கிரேக்கத் தீவான சாண்டோரினியில் அவசரகால நிலை பிரகடனம்

கிரேக்கத் தீவான சாண்டோரினியில் பல நாட்கள் தொடர்ச்சியான நிலநடுக்கங்களுக்குப் பிறகு அவசரநிலை அறிவிக்கப்பட்டுள்ளது.

கிரேக்கத் தீவுகளான அமோர்கோஸ் மற்றும் சாண்டோரினி இடையே 5.2 ரிக்டர் அளவிலான நிலநடுக்கம் பதிவானதைத் தொடர்ந்து அவசர நிலை அறிவிக்கப்பட்டுள்ளது,

இது சமீபத்திய நாட்களில் மிகவும் வலிமையானது. இது 5 கிமீ (3.1 மைல்) ஆழத்தில் ஏற்பட்டதாக மதிப்பிடப்பட்டுள்ளது.

“அவசரகாலத் தேவைகளை நிவர்த்தி செய்வதற்கும் விளைவுகளை நிர்வகிப்பதற்கும்” இந்த ஆணை மார்ச் 3 வரை அமலில் இருக்கும் என்று அதிகாரிகள் தெரிவித்தனர்.

11,000 க்கும் மேற்பட்டோர் ஏற்கனவே சாண்டோரினியை விட்டு வெளியேறிவிட்டனர், சுமார் 7,000 பேர் படகு மூலமாகவும் 4,000 பேர் விமானம் மூலமாகவும் புறப்பட்டனர்.