நூற்றுக்கணக்கான ரோஹிங்கிய அகதிகளுடன் கரையொதுங்கிய படகு : மனித கடத்தல்காரர்களை குற்றம் சாட்டும் இந்தோனேசியா!

நூற்றுக்கும் மேற்பட்ட ரோஹிங்கியா முஸ்லிம்களை ஏற்றிச் செல்லும் ஒரு மரப் படகு இந்தோனேசியாவில் தரையிறங்கியுள்ளது.

படகின் இயந்திரம் பழுதடைந்ததாகவும், பெரும்பாலும் பெண்கள் மற்றும் குழந்தைகளை ஏற்றிச் சென்ற படகு கிழக்கு ஆச்சே மாவட்டத்தில் உள்ள பெரியுலாக் கிராமத்திற்கு அருகே கரை ஒதுங்கியதாகவும் உள்ளூர் காவல்துறை அதிகாரி தெரிவித்துள்ளார்.

மலேசியாவை அடையும் நம்பிக்கையுடன் வங்கதேசத்தில் உள்ள காக்ஸ் பஜாரில் இருந்து கப்பல் புறப்பட்டதாக ஒரு அகதி ஒருவர் அதிகாரிகளிடம் தெரிவித்துள்ளார்.

இதேவேளை கடந்த சில ஆண்டுகளாக ரோஹிங்கியா முஸ்லிம்கள் வந்து சேர்வதற்கான அதிகரித்து வரும் எண்ணிக்கைக்கு மனித கடத்தல் அதிகரிப்புதான் காரணம் என்று இந்தோனேசிய அரசாங்கம் குற்றம் சாட்டுகிறது.