சட்டவிரோத குடியேறிகளுக்காக குவாண்டனாமோ விரிகுடாவைப் பயன்படுத்தும் டிரம்ப்

9/11 தாக்குதல்களுக்குப் பிறகு பயங்கரவாத சந்தேக நபர்களை அடைத்து வைக்கப் பயன்படுத்தப்படும் குவாண்டனாமோ விரிகுடா இராணுவ சிறையில் “சட்டவிரோத வெளிநாட்டினரை” தடுத்து வைக்க திட்டமிட்டுள்ளதாக அமெரிக்க ஜனாதிபதி டொனால்ட் டிரம்ப் தெரிவித்துள்ளார்.

திருட்டு மற்றும் வன்முறை குற்றங்களுக்காக குற்றம் சாட்டப்பட்ட ஆவணமற்ற புலம்பெயர்ந்தோரை விசாரணைக்கு முந்தைய தடுப்புக்காவலில் வைக்க அனுமதிக்கும் மசோதாவில் கையெழுத்திட்டபோது டிரம்ப் இந்த அறிவிப்பை வெளியிட்டார்.

“குவாண்டனாமோ விரிகுடாவில் 30,000 பேர் கொண்ட புலம்பெயர்ந்தோர் வசதியைத் தயாரிக்கத் தொடங்குங்கள்” என்று பென்டகன் மற்றும் உள்நாட்டுப் பாதுகாப்புத் துறைக்கு அறிவுறுத்தும் நிர்வாக உத்தரவில் கையெழுத்திடுவதாக அவர் குறிப்பிட்டார்.