மகா கும்பமேளா கூட்ட நெரிசல் – பலி எண்ணிக்கை 30ஆக உயர்வு

உத்தரபிரதேச மாநிலம் பிரயாக்ராஜில் உள்ள மகா கும்பமேளா நடைபெறும் இடத்தில் விடியற்காலையில் ஏற்பட்ட கூட்ட நெரிசலில் முப்பது பேர் கொல்லப்பட்டதாக, பிரமாண்டமான மதக் கூட்டத்தின் பாதுகாப்பை மேற்பார்வையிடும் காவல்துறைத் தலைவர் செய்தியாளர்களிடம் தெரிவித்தார்.

காவல்துறை அதிகாரி வைபவ் கிருஷ்ணா செய்தியாளர்களிடம் கூறுகையில், இருபத்தைந்து உடல்கள் அடையாளம் காணப்பட்டுள்ளன, 60 பேர் காயமடைந்தனர். பலர் மருத்துவமனையில் அனுமதிக்கப்பட்டுள்ளனர் என தெரிவித்தார்.

உள்ளூர் அறிக்கைகள் மற்றும் பிரயாக்ராஜ் குடியிருப்பாளர்கள் கூட்ட நெரிசலில் இறந்ததாக சமூக ஊடகங்களில் பதிவிட்ட சில மணி நேரங்களுக்குப் பிறகு உயிரிழப்புகள் குறித்த அறிவிப்பு வந்தது. இருப்பினும், அந்த அறிக்கைகள் இறந்தவர்களின் எண்ணிக்கையுடன் ஒத்துப்போகவில்லை.

மிகவும் புனிதமான நாட்களில் ஒன்றான மௌனி அமாவாசையை முன்னிட்டு புனித நீராட பல யாத்ரீகர்கள் இடம் தேடி ஓடியதைத் தொடர்ந்து மகா கும்பமேளாவின் சங்கமம் பகுதியில் ஏற்பட்ட நெரிசல் ஏற்பட்டது.

கூட்ட நெரிசல் ஏற்படுவதற்கு முன்பு பலர் தடுப்புகளை உடைக்கத் தொடங்கினர் என்று காவல்துறை அதிகாரி தெரிவித்தார்.

மகா கும்பமேளாவில் நீராட வந்த கர்நாடகாவைச் சேர்ந்த சரோஜினி, “நாங்கள் இரண்டு பேருந்துகளில் 60 பேர் கொண்ட குழுவாக வந்தோம். எங்கள் குழுவில் ஒன்பது பேர் இருந்தனர். திடீரென்று கூட்டத்தில் தள்ளுமுள்ளு ஏற்பட்டது, நாங்கள் சிக்கிக்கொண்டோம். பலர் கீழே விழுந்தனர், கூட்டத்தைக் கட்டுப்படுத்த முடியவில்லை” என்று செய்தி நிறுவனத்திடம் தெரிவித்தார்.