மொசாட் தலைவரை கத்தாருக்கு செல்ல அறிவுறுத்திய நெதன்யாகு
இஸ்ரேலிய பிரதமர் பெஞ்சமின் நெதன்யாகு , பணயக்கைதிகள் விடுதலை மற்றும் காசா போர் நிறுத்த ஒப்பந்தம் தொடர்பான பேச்சுவார்த்தைகளுக்காக மூத்த அதிகாரிகள் குழுவை கத்தாருக்கு அனுப்பியதாக அவரது அலுவலகம் தெரிவித்துள்ளது.
நெதன்யாகு ஜெருசலேமில் அமெரிக்க ஜனாதிபதியாக தேர்ந்தெடுக்கப்பட்ட டொனால்ட் டிரம்பின் மத்திய கிழக்கு தூதர் ஸ்டீவ் விட்காஃப், தற்போதைய அமெரிக்க ஜனாதிபதி ஜோ பைடனின் பிரதிநிதி மற்றும் மூத்த இஸ்ரேலிய அதிகாரிகளுடன் ஒரு சந்திப்பை நடத்தினார் என்று பிரதமர் அலுவலகம் ஒரு அறிக்கையில் தெரிவித்துள்ளது.
சந்திப்பைத் தொடர்ந்து, மொசாட் உளவு நிறுவனம் மற்றும் ஷின் பெட் பாதுகாப்பு நிறுவனத்தின் தலைவர்களுடனும், ஜெனரல் நிட்சான் அலோன் மற்றும் வெளியுறவுக் கொள்கை ஆலோசகர் ஓஃபிர் பால்க்குடனும் “எங்கள் பணயக்கைதிகளை விடுவிப்பதற்கான ஒப்பந்தத்தை தொடர்ந்து முன்னெடுப்பதற்காக தோஹாவுக்குச் செல்லுமாறு” நெதன்யாகு அறிவுறுத்தியுள்ளார்
பணயக்கைதிகளை விடுவிப்பதுடன் காசாவில் போரை முடிவுக்குக் கொண்டுவருவதற்காக அமெரிக்கா ஒரு வருடத்திற்கும் மேலாக கத்தார் மற்றும் எகிப்துடன் பேச்சுவார்த்தைகளை மத்தியஸ்தம் செய்து வருகிறது.
