இலங்கை : கொழும்பில் விநியோகிக்கப்படும் சட்டவிரோத மருந்துகள் – ஆபத்தில் மக்கள்!

கொழும்பில் உள்ள தேசிய வைத்தியசாலைக்கு முன்பாகவும், நாடு முழுவதிலும் சட்டவிரோத மருந்துகள் விற்பனை செய்யப்படுவதாக Magen Ratata அமைப்பின் தலைவர் சஞ்சய மஹவத்த தெரிவித்துள்ளார்.

இந்த மருந்துகள் தேசிய மருந்துகள் ஒழுங்குமுறை ஆணையத்தில் (என்எம்ஆர்ஏ) பதிவு செய்யப்படவில்லை என்று அவர் கூறினார்.

பதிவு செய்யப்படாத மருந்துகள் பொதுமக்களைச் சென்றடைவது தவறு என்றும், இதனைத் தடுக்க என்எம்ஆர்ஏ உடனடி நடவடிக்கை எடுக்க வேண்டும் என்றும் அவர் ஊடகங்களுக்குத் தெரிவித்தார்.

நாடு முழுவதும் உள்ள நிறுவனங்களிடமிருந்து பெறப்பட்ட சுமார் 50 வகையான மருந்துகளுக்கு உரிமம் மறுக்கப்பட்டுள்ளது. தகவல் அறியும் உரிமைச் சட்டத்தின் கீழ் பலமுறை கோரிக்கை விடுத்தும், இந்த மருந்துகளை வழங்கும் நிறுவனங்கள் குறித்து எங்களுக்கு எந்த தகவலும் வரவில்லை,” என்று அவர் கூறினார்.

ஒரு மாதத்திற்கு முன்பே என்எம்ஆர்ஏவிடம் கோரிக்கை விடுத்திருந்தாலும், அவர் இன்னும் பதிலைப் பெறவில்லை. வெளிப்படைத்தன்மை இன்மையால் இவ்வாறான அரச நிறுவனங்களில் பணிபுரியும் அதிகாரிகள் போதைப்பொருள் மாபியாவில் ஈடுபடுகிறார்களா என்ற பாரிய சந்தேகம் எழுவதாகவும் அவர் சுட்டிக்காட்டினார்.

மக்களின் வாழ்க்கையை நேரடியாகப் பாதிக்கும் மருந்துகள் பற்றிய தகவல்கள் அரச நிறுவனத்திடம் இருந்து கிடைக்காதது கவலைக்குரிய சூழ்நிலை. சமூக ஆர்வலர் என்ற முறையில், தகவல் தெரிவிக்காவிட்டால், சட்டப்படி நடவடிக்கை எடுப்பேன், என்றார்.