2024ம் ஆண்டிற்கான மிஸ் இந்தியா யுஎஸ்ஏ பட்டம் வென்ற இந்திய அமெரிக்க இளம் பெண்

நியூஜெர்சியில் நடைபெற்ற வருடாந்திர போட்டியில், சென்னையில் பிறந்த இந்திய அமெரிக்க இளம்பெண் கெய்ட்லின் சாண்ட்ரா நீல், மிஸ் இந்தியா யுஎஸ்ஏ 2024க்கான பட்டத்தை வென்றுள்ளார்.

19 வயதான கெய்ட்லின், டேவிஸில் உள்ள கலிபோர்னியா பல்கலைக்கழகத்தில் இரண்டாம் ஆண்டு மாணவி.

“எனது சமூகத்தில் ஒரு நேர்மறையான நீடித்த தாக்கத்தை ஏற்படுத்த விரும்புகிறேன், மேலும் பெண்களுக்கு அதிகாரமளித்தல் மற்றும் எழுத்தறிவு ஆகியவற்றில் கவனம் செலுத்த விரும்புகிறேன்,” என்று கெய்ட்லின் ஒரு ஊடக வெளியீட்டில் தெரிவித்துள்ளார்.

இந்தியாவில் சென்னையில் பிறந்த கெய்ட்லின் கடந்த 14 ஆண்டுகளாக அமெரிக்காவில் வசித்து வருகிறார்.

இந்திய விழாக் குழு (IFC) ஏற்பாடு செய்த போட்டியில், இல்லினாய்ஸைச் சேர்ந்த சம்ஸ்கிருதி ஷர்மா மிஸஸ் இந்தியா யுஎஸ்ஏ என்ற பட்டத்தையும், வாஷிங்டனைச் சேர்ந்த அர்ஷிதா கத்பாலியா மிஸ் டீன் இந்தியா யுஎஸ்ஏ பட்டத்தையும் வென்றனர்.

ரிஜுல் மைனி, மிஸ் இந்தியா யுஎஸ்ஏ 2023 மற்றும் சினேகா நம்பியார், மிஸஸ் இந்தியா யுஎஸ்ஏ 2023 ஆகியோர் முறையே கெய்ட்லின் சாண்ட்ரா நீல் மற்றும் சமஸ்கிருதி ஷர்மா ஆகியோருக்கு மகுடம் சூட்டினர்.

போட்டியின் மூன்று பிரிவுகளில் 25 மாநிலங்களில் இருந்து 47 போட்டியாளர்கள் கலந்து கொண்டனர்.