இலங்கை: 3 நாட்களுக்கு 5 பதில் அமைச்சர்கள் நியமிப்பு!

ஜனாதிபதி அனுரகுமார திஸாநாயக்க இந்தியாவிற்கு உத்தியோகபூர்வ விஜயம் மேற்கொண்டு நாட்டை விட்டு வெளியேறியுள்ள நிலையில், அவர் இல்லாத நேரத்தில் முக்கிய அமைச்சுக்களை மேற்பார்வையிட ஐந்து பொறுப்பு அமைச்சர்கள் நியமிக்கப்பட்டுள்ளனர்.

இந்த நியமனங்கள் டிஜிட்டல் பொருளாதார அமைச்சகம், பாதுகாப்பு அமைச்சகம், நிதி அமைச்சகம், பொருளாதார ஸ்திரப்படுத்தல் மற்றும் தேசிய கொள்கைகள், வெளியுறவு அமைச்சகம், வெளிநாட்டு வேலைவாய்ப்பு மற்றும் சுற்றுலா அமைச்சகம் மற்றும் தொழிலாளர் அமைச்சகம் ஆகியவற்றை உள்ளடக்கியது.

அதன்படி , டிஜிட்டல் பொருளாதார பிரதி அமைச்சர் பொறியியலாளர் எரங்க வீரரத்ன, டிஜிட்டல் பொருளாதாரத்தின் பதில் அமைச்சராக நியமிக்கப்பட்டுள்ளார்.

பாதுகாப்பு பிரதி அமைச்சர் அருண ஜயசேகர, பதில் பாதுகாப்பு அமைச்சராக கடமையாற்றவுள்ளார்.

நிதி, பொருளாதார ஸ்திரப்படுத்தல் மற்றும் தேசிய கொள்கைகள் பிரதியமைச்சர் கலாநிதி ஹர்ஷன சூர்யப்பெரும இந்த அமைச்சுக்கான பதில் அமைச்சராக செயற்படுவார்.

வெளிநாட்டு வேலைவாய்ப்பு பிரதி அமைச்சர் அருண் ஹேமச்சந்திர, வெளிவிவகார, வெளிநாட்டு வேலைவாய்ப்பு மற்றும் சுற்றுலா அமைச்சராக செயற்படுவார்.

தொழிலாளர் பிரதி அமைச்சர் மஹிந்த ஜயசிங்க, பதில் தொழிலாளர் அமைச்சராக நியமிக்கப்பட்டுள்ளார்.