ஐரோப்பிய ஒன்றிய-மெர்கோசூர் ஒப்பந்தத்திற்கு பிரெஞ்சு ஜனாதிபதி மக்ரோன் எதிர்ப்பு! வாக்கெடுப்புக்கு அழைப்பு
பிரெஞ்சு ஜனாதிபதி இம்மானுவேல் மக்ரோன் நவம்பர் 17 அன்று காசா ரோசாடாவில் அர்ஜென்டினா ஜனாதிபதி ஜேவியர் மிலியுடன் நடந்த சந்திப்பின் போது ஐரோப்பிய யூனியன்-மெர்கோசர் சுதந்திர வர்த்தக ஒப்பந்தத்திற்கு (FTA) பிரான்சின் எதிர்ப்பை மீண்டும் உறுதிப்படுத்தினார்.
இந்நிலையில், இந்த ஒப்பந்தத்தில் இணைவதா வேண்டாமா என்பது தொடர்பில் பாராளுமன்றத்தில் வாக்கெடுக்க வேண்டும் என கோரிக்கை வலுத்து வருகிறது.
ஐரோப்பா ரீதியில் பல்வேறு நாடுகள் பிரான்சுடன் இணைந்து அதனை எதிர்த்து வருகிறது. ஐரோப்பாவில் இருந்து லத்தீன் அமெரிக்க நாடுகளுக்கு மேற்கொள்ளப்படும் இந்த வர்த்தகத்தினால் விவசாயிகள் மற்றும் உற்பத்தியாளர்கள் பெரிதளவில் பாதிக்கப்படுவார்கள் என தெரிவிக்கப்படுகிறது.
இந்நிலையில், ஜனாதிபதி மக்ரோனின் இந்த மறுப்பு கருத்தை பல்வேறு அரசியல் தலைவர்கள் வரவேற்றுள்ளதுடன், பாராளுமன்றத்தில் இது தொடர்பில் கருத்துக்கணிப்பு மேற்கொள்ளவேண்டும் எனவும் தெரிவிக்கப்பட்டுள்ளது.
நாடு முழுவதும் பிரெஞ்சு விவசாயிகளின் பரவலான எதிர்ப்புகளுக்கு மத்தியில் மக்ரோனின் நிலைப்பாடு வந்துள்ளது. Jeunes Agriculteurs மற்றும் FNSEA விவசாய சங்கங்கள் எதிர்ப்புகளை ஏற்பாடு செய்தன, இரு அமைப்புகளும் நாடு முழுவதும் 80க்கும் மேற்பட்ட ஆர்ப்பாட்டங்கள் நடத்தப்பட்டதை உறுதிப்படுத்தின. சமரசம் எட்டப்படாவிட்டால் டிசம்பர் நடுப்பகுதி வரை எதிர்ப்புகள் நீட்டிக்கப்படலாம் என்று FNSEA எச்சரித்தது.
(Visited 2 times, 2 visits today)
