இந்தியாப் பயணமாகும் இலங்கை ஜனாதிபதி: வெளியான தகவல்

ஜனாதிபதி அனுரகுமார திஸாநாயக்க டிசெம்பர் மாதம் இந்தியாவிற்கு விஜயம் செய்யவுள்ளதாக புதிய வெளிவிவகார அமைச்சர் விஜித ஹேரத் தெரிவித்துள்ளார்.

இன்று ஊடகங்களுக்கு கருத்து தெரிவித்த வெளிவிவகார அமைச்சர், ஜனாதிபதி எதிர்வரும் டிசம்பர் மாத நடுப்பகுதியில் இந்தியாவிற்கு பயணம் மேற்கொள்வார் என எதிர்பார்க்கப்படுகிறது.

ஜனாதிபதி தனது விஜயத்தின் போது, ​​இந்தியப் பிரதமர் நரேந்திர மோடியுடன் கலந்துரையாடலில் ஈடுபடவுள்ளதாகவும் அவர் மேலும் தெரிவித்தார்.

இலங்கை தேசத்தைப் பலப்படுத்தும் நோக்கில் நகர்ந்து கொண்டிருக்கிறது என்பதை புதிய அரசாங்கம் உலகிற்கு எடுத்துரைக்க உத்தேசித்துள்ளதாகவும், அதன் பிரஜைகளுக்கு நிலையான மற்றும் அழகான நாட்டை உறுதி செய்யும் எனவும் வெளிவிவகார அமைச்சர் விஜித ஹேரத் மேலும் தெரிவித்தார்.