இலங்கை – பதவிப்பிரமாணம் செய்துகொண்ட அமைச்சர்கள் தங்களது கடமைகளை பொறுப்பேற்றனர்!
புதிய அரசாங்கத்தின் பிரதமராக இன்று (18) காலை பதவிப் பிரமாணம் செய்து கொண்ட ஹரிணி அமரசூரிய அப்பதவியை பொறுப்பேற்றார்.
மால் ரோட்டில் உள்ள பிரதமர் அலுவலகத்தில் அவர் தனது கடமைகளை பொறுப்பேற்றுள்ளார்.
ஹரிணி நாட்டின் 17வது பிரதமர் ஆவார். அத்துடன்பிரதமராக பதவியேற்கும் மூன்றாவது பெண்மணியாக கலாநிதி ஹரிணி அமரசூரிய கருதப்படுகிறார்.
வெளிவிவகார, வெளிநாட்டு வேலைவாய்ப்பு மற்றும் சுற்றுலாத்துறை அமைச்சராக பதவிப் பிரமாணம் செய்து கொண்ட விஜித ஹேரத் இன்று (18) தனது கடமைகளை பொறுப்பேற்றார்.
வெளியுறவு அமைச்சகத்தில் வைத்து அவர் தனது கடமைகளை பொறுப்பேற்றுக்கொண்டார்.
அவர் முன்பு போக்குவரத்து, நெடுஞ்சாலைகள், துறைமுகங்கள் மற்றும் சிவில் விமானப் போக்குவரத்து அமைச்சராகப் பணியாற்றினார்.
மேலும், முன்னர் 2004-2005 இல் அப்போதைய அரசாங்கத்தில் கலாச்சார விவகாரங்கள் மற்றும் தேசிய பாரம்பரிய அமைச்சராக பணியாற்றினார். இவர் களனிப் பல்கலைக்கழகத்தில் விஞ்ஞானப் பட்டதாரியாவார்.
(Visited 1 times, 1 visits today)
