துப்புரவு தொழிலாளியை அச்சுறுத்தி 415 ரூபாவை கொள்ளையிட்ட 6 மாணவர்கள் கைது

பாணந்துறை கடற்கரை துப்புரவு பணியாளர் ஒருவரின் பணத்தைக் கொள்ளையடித்த குற்றச்சாட்டில் பாடசாலை மாணவர்கள் 6 பேரை கைது செய்துள்ளதாக பாணந்துறை தெற்கு பொலிஸார் தெரிவிக்கின்றனர்.

மொரட்டுவ பிரதேசத்தில் வசிக்கும் 16 வயதுடைய பாடசாலை மாணவர்கள் குழுவே இவ்வாறு கைது செய்யப்பட்டுள்ளது.

பொதுக்கழிப்பறை அருகே 3 பேர் வந்து, யாராவது வருகிறார்களா என பார்த்துக் கொண்டிருந்த போது, ​​மற்றைய 3 பேரும் அங்கிருந்த துப்புரவு பணியாளரை பயமுறுத்தி அவர் வைத்திருந்த பணத்தைக் கொள்ளையடித்து தப்பிச் சென்றபோது கைது செய்யப்பட்டனர்.

இவர்களால் குறித்த பணியாளரிடமிருந்து 415 ரூபா கொள்ளையிடப்பட்டுள்ளது.