இலங்கை 2024 பொதுத் தேர்தல்: ஹரிணி அமரசூரிய பெற்ற வரலாற்று வெற்றி!
நடந்து முடிந்த 2024ஆம் ஆண்டு பாராளுமன்றத் தேர்தலில் தேசிய மக்கள் சக்தியிலிருந்து கொழும்பு மாவட்டத்தில் போட்டியிட்ட பிரதமர் கலாநிதி ஹரிணி அமரசூரிய 655,289 வாக்குகளைப் பெற்று விருப்பு வாக்குகளுக்கான புதிய சாதனையை படைத்துள்ளார்.
அவர் போட்டியிட்ட கொழும்பு மாவட்டத்தில் முதலிடம் பிடித்துள்ளார்.
இதற்கு முன்னர் 2020 ஆம் ஆண்டு பாராளுமன்ற தேர்தலில் குருநாகல் மாவட்டத்தில் போட்டியிட்ட மஹிந்த ராஜபக்ஷ அதிக விருப்பு வாக்குக்ளாக 527,364 வாக்குகளைப் பெற்றிருந்தார்.
இந்நிலையில் பிரதமர் கலாநிதி ஹரிணி அமரசூரிய அதனை முறியடித்து 6 லட்சத்திற்கும் அதிகளவான விருப்பு வாக்குகளை பெற்றுள்ளமை குறிப்பிடத்தக்கது.
புதிய அரசாங்கத்தில் கலாநிதி ஹரிணி அமரசூரிய மீண்டும் பிரதமராக நியமிக்கப்படுவார் என எதிர்பார்க்கப்படுகிறது.
மேலும், ஐக்கிய மக்கள் சக்தி சார்பாக கொழும்பு மாவட்டத்தில் போட்டியிட்ட சஜித் பிரேமதாச 145,611 விருப்பு வாக்குகளைப் பெற்று வாக்குப் பட்டியலில் இரண்டாம் இடத்தைப் பெற்றுள்ளள்ளார்.
(Visited 15 times, 1 visits today)
