இலங்கையில் நள்ளிரவில் வீடு புகுந்து பெண்ணை கடத்த முயற்சித்த நபரால் பரபரப்பு!

இலங்கையில் பலாத்காரமாக வீட்டினுள் நுழைந்த நபர் ஒருவர் வீட்டில் வசிந்து வந்தவர்களை பயமுறுத்தி அங்குள்ள யுவதி ஒருவரை கடத்த முயன்ற சம்பவம் ஒன்று வலஸ்முல்லவில் இருந்து பதிவாகியுள்ளது.

சம்பவத்துடன் தொடர்புடைய சந்தேகநபர் கைது செய்யப்பட்டதாக வலஸ்முல்ல பொலிஸார் தெரிவித்தனர்.

வலஸ்முல்ல பொலிஸ் பிரிவுக்குட்பட்ட ஹொரேவெல பிரதேசத்தில் உள்ள வீடொன்றில் நேற்று (07) இரவு குறித்த சந்தேகநபர் நுழைந்து அங்குள்ளவர்களை துப்பாக்கி முனையில் அச்சுறுத்தி யுவதி ஒருவரை கடத்த முற்பட்டுள்ளதாக 119 அவசர இலக்கத்திற்கு முறைப்பாடு செய்யப்பட்டுள்ளது.

இதனையடுத்து விரைந்து சென்ற பொலிஸார் சந்தேகநபரை கைது செய்துள்ளதுடன், 02 நாட்டுத் துப்பாக்கிகள், 02 தடைசெய்யப்பட்ட கத்திகள், இரும்பு கம்பிகள் மற்றும் இரும்புத் துண்டுகள் என்பவற்றையும் மீட்டுள்ளனர்.

கைது செய்யப்பட்ட சந்தேக நபர் தெனியாய பிரதேசத்தை சேர்ந்த 22 வயதுடையவராவார்.

சந்தேகநபர் குறித்த சிறுமியுடன் காதல் உறவில் ஈடுபட்டு வந்த நிலையில், அந்த உறவில் ஏற்பட்ட முரண்பாட்டால் மேற்படி நடந்துகொண்டதாக தெரிவித்துள்ளார்.

சம்பவம் தொடர்பான மேலதிக விசாரணைகளை வலஸ்முல்ல பொலிஸார் மேற்கொண்டு வருகின்றனர்.

See also  மத்திய அதிவேக நெடுஞ்சாலையை நிறைவு செய்ய ஜப்பான் உதவி: இலங்கை ஜனாதிபதி

தொடர்புடைய செய்திகள்:

இலங்கையில் பட்டினியால் வாடும் லட்சக்கணக்கான மக்கள்! முல்லைத்தீவு – கட்டுத்துப்பாக்கி வெடித்ததில் குடும்பஸ்தர் ஒருவர் படுகாயம் இலங்கை: யாழில் பாராளுமன்ற உறுப்பினர் விக்னேஸ்வரனை சந்தித்த ஜனாதிபதி ரணில் இலங்கை: வைத்தியர் அர்ச்சுனாவிற்கு எதிரான வழக்கு விசாரணை : நீதிமன்றம் பிறப்பித்துள்ள உத்தரவு புட்டின் அனுப்பிய தனிப்பட்ட செய்தியுடன் இலங்கை ஜனாதிபதியை சந்தித்தார் ரஷ்ய தூதர்! வருடாந்தம் 5000 சிறார்கள் வன்முறைகளால் பாதிப்பு