பிரபல சுற்றுலா தலங்களில் இஸ்ரேலியர்களுக்கு அச்சுறுத்தல் விடுத்த மூவரை கைது செய்த பொலிஸார்

இலங்கைக்கு வரும் இஸ்ரேலிய சுற்றுப்பயணிகள் மீது தாக்குதல் நடத்தப்படும் சாத்தியம் இருப்பதாக அமெரிக்க உளவுத்துறை அளித்த எச்சரிக்கைத் தகவலைத் தொடர்ந்து மூவர் கைது செய்யப்பட்டுள்ளதாக இலங்கை வெளியுறவு அமைச்சர் விஜித ஹெராத் கூறியுள்ளார்.அது குறித்து அவர் வியாழக்கிழமை (அக்டோபர் 24) செய்தியாளர்களிடம் பேசினார்.

“பிடிபட்டு உள்ள மூவரிடமும் விசாரணை நடத்தி வருகிறோம். அமெரிக்காவின் எச்சரிக்கையை நாங்கள் மிகவும் முக்கியமான தகவலாக எடுத்துக்கொண்டு பாதுகாப்பை அதிகரித்து உள்ளோம்

“இலங்கையின் கிழக்குப் பகுதியில் யூத சமூகத்தினர் அதிகமாக ஒன்றுகூடும் இடம் ஒன்றின் மீது தாக்குதல் நடத்த திட்டம் தீட்டப்பட்டு இருப்பதாகத் தகவல் கிடைத்தது. அதனைத் தொடர்ந்து நடத்தப்பட்ட விசாரணையில் மூவரும் பிடிபட்டனர்.

“குறிப்பாக, அறுகம் குடா உல்லாசத்தலத்தைச் சுற்றிலும் அதிகமான காவல்துறையினர் குவிக்கப்பட்டு உள்ளனர். இதர சுற்றுலாத் தலங்களிலும் பாதுகாப்பு அதிகரிக்கப்பட்டு உள்ளது,” என்றார் இலங்கையின் பொதுப் பாதுகாப்பு அமைச்சருமான திரு ஹெராத்.

இவ்வாண்டின் முதல் ஒன்பது மாதங்களில் இலங்கைக்குச் சுற்றுப்பயணியாக வந்த 1.5 மில்லியன் பேரில் 1.5 சதவீத்த்திற்கும் குறைவானோர் இஸ்ரேலிய குடிமக்கள். அதாவது, ஏறத்தாழ 20,000 இஸ்ரேலியர்கள் இந்த ஒன்பது மாதத்தில் இலங்கைக்கு வந்து சென்றுள்ளனர்.

தற்போது 570 இஸ்ரேலியர்கள் இலங்கையில் உள்ளனர். அவர்களுக்காக இலங்கைக் காவல்துறை அவசர உதவிக்கான தொலைபேசி வசதியை ஏற்படுத்தி உள்ளது.

இதற்கிடையே, அறுகம் குடா விடுமுறை உல்லாத்தலத்திற்குச் செல்வதைத் தவிர்க்குமாறு அமெரிக்காவும் இஸ்ரேலும் தங்களது குடிமக்களைக் கேட்டுக்கொண்டு உள்ளன.

தொடர்புடைய செய்திகள்:

சவூதி அரேபியாவில் அதிகரிக்கும் மரண தண்டனைகள்!! 2023ஆம் ஆண்டில் இல் 170 பேர் தூக்கிலிடப்பட்டனர் வார்டு கட்டிலில் வைத்து சிறுமி துஷ்பிரயோகம் – சந்தேகநபரை கைது செய்த பொலிஸார்! யாழ் பல்கலைக்கழக மாணவர்களால் முள்ளிவாய்க்கால் கஞ்சி விநியோகம் இலங்கையில் ஜனாதிபதியின் பொது மன்னிப்பில் 289 கைதிகள் விடுதலை! புலமைப்பரிசில் பரீட்சை வினாத்தாள் விவகாரம்: இலங்கை பொலிஸார் விடுத்துள்ள கோரிக்கை இலங்கை: அரச புலனாய்வு சேவைக்கு புதிய பணிப்பாளர் நியமனம்