இலங்கையில் பன்றிகள் மத்தியில் பரவும் வைரஸ் : மனிதர்களுக்கும் பாதிப்பா?

இலங்கையில் பன்றிகள் மத்தியில் ‘Porcine Reproductive and Respiratory Syndrome’ எனப்படும் வைரஸ் நோய் பரவுவது குறித்து சுகாதார அதிகாரிகள் எச்சரிக்கை விடுத்துள்ளனர்.

வனவிலங்கு பாதுகாப்புத் திணைக்களத்தின் சுகாதாரப் பணிப்பாளர் டாக்டர் தாரக பிரசாத், இந்த நோய் பல்வேறு பகுதிகளில் பரவி வருவதாக தெரிவித்துள்ளார்.

“யால, சிலாபம், பலப்பிட்டி உள்ளிட்ட பிரதேசங்கள் இனங்காணப்பட்டுள்ளதுடன், நோய் மேலும் பரவாமல் தடுப்பதற்கான முன்னெச்சரிக்கை நடவடிக்கைகள் மேற்கொள்ளப்பட்டு வருகின்றன” என அவர் சுட்டிக்காட்டினார்.

நோய்வாய்ப்பட்ட விலங்குகளின் இறைச்சியை உட்கொள்வதால் மனிதர்கள் பாதிக்கப்படுகிறார்களா என்று கேட்டபோது, ​​டாக்டர் பிரசாத், இந்த நோய் மனிதர்களை பாதிக்கும் என்பதற்கு எந்த ஆதாரமும் இல்லை என்று கூறினார்.

எவ்வாறாயினும், இந்த பிரச்சினை பண்ணைகளில் குறிப்பிடத்தக்க தாக்கத்தை ஏற்படுத்தக்கூடும் என்று அவர் ஒப்புக்கொண்டார்.