இலங்கை பொலிஸ் தலைமையகத்தில் ஒன்றுக்கூடிய அதிகாரிகள் : சிக்கப்போகும் முக்கிய புள்ளிகள்!

இலங்கையில் குற்றங்கள், மோசடிகள் மற்றும் பிற சர்ச்சைக்குரிய வழக்குகள் தொடர்பான பல உயர்மட்ட விசாரணைகளின் முன்னேற்றத்தை மீளாய்வு செய்வதற்கான விசேட கூட்டம் பொலிஸ் தலைமையகத்தில் நடைபெற்றது.

பொது பாதுகாப்பு அமைச்சின் புதிதாக நியமிக்கப்பட்ட செயலாளர் ரவி செனவிரத்ன தலைமையில் நடைபெற்ற இக்கூட்டத்தில், நடைபெற்றுவரும் மற்றும் தடைப்பட்ட விசாரணைகளை ஆராய்வது குறித்து கவனம் செலுத்தப்பட்டது.

பதில் பொலிஸ் மா அதிபர் (IGP) பிரியந்த வீரசூரிய, சிரேஷ்ட பொலிஸ் அதிகாரிகள் மற்றும் குற்றப் புலனாய்வு திணைக்களத்தின் (CID) அதிகாரிகள் இந்த சந்திப்பில் கலந்து கொண்டனர்.

தற்காலிகமாக நிறுத்தப்பட்ட விசாரணைகள் மற்றும் தேவையில்லாமல் தாமதப்படுத்தப்பட்ட விசாரணைகள் உட்பட பலதரப்பட்ட விடயங்கள் இந்த சந்திப்பில் கலந்துரையாடப்பட்டதாக பொலிஸ் ஊடகப் பேச்சாளர் DIG நிஹால் தல்துவா தெரிவித்தார்.

அரசியல் செல்வாக்கு காரணமாக ஏதேனும் விசாரணைகள் தடைபட்டுள்ளதா என்று கேட்டறிந்த செயலாளர், ஏதேனும் தாமதங்களுக்குப் பின்னால் உள்ள காரணங்களை நிவர்த்தி செய்ய வேண்டியதன் அவசியத்தை வலியுறுத்தினார்.

எந்தெந்த விசாரணைகளை மறுதொடக்கம் செய்ய வேண்டும் என்பதையும், வெளிப்புற காரணிகளால் பாதிக்கப்படக்கூடிய வழக்குகளை அடையாளம் காண வேண்டும் என்பதையும் கூட்டத்தில் மதிப்பாய்வு செய்தது.

இந்த கலந்துரையாடலின் போது பல முக்கிய விசாரணைகள் முன்னிலைப்படுத்தப்பட்டுள்ளதாக பேச்சாளர் தெரிவித்தார்.

விசாரணைகளை திறம்பட தொடர தேவையான நடவடிக்கைகள் எடுக்கப்படுவதை உறுதி செய்ய அறிக்கை தயாரிக்கப்படும் என்று போலீசார் தெரிவித்தனர்.

இவ்வாறு நிலுவையில் உள்ள விசாரணைகள் மீள் தொடக்கம் செய்ப்படும் போது அரசியலில் உள்ள முக்கிய புள்ளிகள் சிக்க வாய்ப்பிருப்பதாக அதிகாரிகள் சுட்டிக்காட்டியுள்ளனர்.