சூடானில் இருந்து அமெரிக்கர்கள் பாதுகாப்பாக மீட்பு

சூடானில் ஏற்பட்ட மோதலில் இருந்து மீட்கப்பட்ட முதல் அமெரிக்கக் குழு கிழக்கு ஆபிரிக்க துறைமுகத்தை சென்றடைந்துள்ளது.

சுமார் 300 அமெரிக்கர்களை ஏற்றிச் சென்ற பேருந்துத் தொடரணியானது போர்ட் சூடானில் இருந்து சுமார் 800 கிலோமீற்றர் தொலைவில் உள்ள பாதுகாப்பான இடத்தை நிலத்தில் மிகுந்த ஆபத்துடன் சென்றடைந்ததாக வெளிநாட்டுச் செய்திகள் தெரிவித்துள்ளன.

சூடானில் சுமார் 16,000 அமெரிக்கர்கள் இருப்பதாக மதிப்பிடப்பட்டுள்ளது மற்றும் மோதலில் இருந்து மீட்கப்பட்டு பாதுகாப்பாக வெளியேற்றப்பட்ட முதல் குழு இது என்று கூறப்படுகிறது.

இதற்கிடையில், சூடானில் மோதலில் இருந்து மீட்கப்பட்ட மேலும் 229 இந்தியர்கள் இன்று சவுதி அரேபியாவின் ஜெட்டாவிலிருந்து பெங்களூரு விமான நிலையத்திற்குச் சென்றுள்ளனர்.