அடுத்த வாரம் பல அரசு ஊழியர்கள் தொழிற்சங்க நடவடிக்கைகளில் ஈடுபட தீர்மானம்

அரச சேவையில் உள்ள பல தொழில் வல்லுநர்கள் எதிர்வரும் 9ஆம் திகதி சுகயீன விடுமுறையை அறிவித்து தொழிற்சங்க நடவடிக்கைகளில் ஈடுபட தீர்மானித்துள்ளதாக தெரிவிக்கப்படுகின்றது.

சம்பளம் உள்ளிட்ட பல்வேறு கோரிக்கைகளை முன்வைத்து இந்த வேலைநிறுத்தம் முன்னெடுக்கப்படவுள்ளதாக தெரிவிக்கப்படுகின்றது.

அதேநேரம் ஆசிரியர்கள் மற்றும் அதிபர்களும் அன்றைய தினம் சுகயீன விடுமுறை அறிவித்து பணிப்புறக்கணிப்பில் ஈடுபடவுள்ளதாக இலங்கை ஆசிரியர் சங்கத்தின் பொதுச் செயலாளர் ஜோசப் ஸ்டாலின் தெரிவித்துள்ளார்.

இதேவேளை, சம்பள அதிகரிப்பு உள்ளிட்ட பல பிரச்சினைகளை அடிப்படையாக கொண்டு பல்கலைக்கழக கல்விசாரா ஊழியர்களினால் ஆரம்பிக்கப்பட்ட தொழில் நடவடிக்கை தற்போது 66 நாட்களாக நீடித்துள்ளது.

அனைத்து பல்கலைக்கழக கல்விசாரா ஊழியர்களுக்கும் ஏப்ரல் மாதத்திற்கான இரண்டு மாத சம்பளம் மற்றும் மேலதிக நேர கொடுப்பனவுகள் வழங்கப்படும் என உயர்கல்வி இராஜாங்க அமைச்சர் கலாநிதி சுரேன் ராகவன் அண்மையில் அறிவித்துள்ளார்.

இந்த கோரிக்கைகளை உதய சேனவிரத்ன குழுவிடம் முன்வைத்து 2025ஆம் ஆண்டு வரவு செலவுத் திட்டத்தில் உள்ளடக்குவதாக உறுதியளிப்பதாகவும் அமைச்சர் குறிப்பிட்டார்.

See also  உக்ரைன் உடனான போர் தொடங்கியதில் இருந்து இதுவரை 650,000 ரஷ்ய வீரர்கள் மரணம்

தொடர்புடைய செய்திகள்:

ஹரீன் மற்றும் மனுஷாவை கட்சி உறுப்பினர் பதவியில் இருந்து நீக்கியது சட்டப்பூர்வமானது – சுமந்திரன் உச்ச நீதிமன்றில் வாதம் இலங்கையில் கர்ப்பப்பை வாய்ப் புற்றுநோயாளர்களின் எண்ணிக்கை அதிகரிக்கும் வாய்ப்பு கொழும்பில் இடம்பெற்ற விபத்து – புதுமண தம்பதிகளுக்கு ஏற்பட்ட நிலை ஒரு வாக்காளருக்கு 109 ரூபாயே செலவிட முடியும் – விஷேட வர்த்தமானி வெளியானது பிரான்ஸில் இருந்து யாழ்ப்பாணம் வந்தவர் உயிர்மாய்ப்பு இலங்கை வங்கி கட்டமைப்பு ஆபத்தில் – ஒன்லைன் மூலம் இடம்பெறும் மோசடியால் நெருக்கடி