இலங்கையில் இருந்து ஹெலிகாப்டரை சுமந்து செல்ல வந்த ராட்சத விமானம்

இலங்கை விமானப்படைக்கு சொந்தமான MI 17 உலங்குவானூர்தியை ஐ.நா அமைதி காக்கும் நடவடிக்கைகளுக்காக மத்திய ஆபிரிக்காவிற்கு எடுத்துச் செல்வதற்காக உலகின் மிகப்பெரிய சரக்கு விமானமான Antonov AN 124 விமானம் நேற்று (28) இலங்கை வந்தடைந்தது.

கட்டுநாயக்க சர்வதேச விமான நிலையத்தில் இந்த விமானத்திற்கு இலங்கை விமானப்படையினரால் சிறப்பான வரவேற்பு அளிக்கப்பட்டது.

Antonov AN 124 தற்போது உலகின் மிகப்பெரிய சரக்கு விமானமாக கருதப்படுகிறது. அன்டோனோவ் 150 டன்களுக்கு மேல் சுமந்து செல்லும் திறன் கொண்டது.

முன்னதாக, அன்டோனோவ் ஏஎன் 225 விமானம் உலகின் மிகப்பெரிய விமானமாக கருதப்பட்டது.

அந்த விமானமும் 6 ஆண்டுகளுக்கு முன்பு இலங்கைக்கு வந்திருந்தது, துரதிஷ்டவசமாக அந்த விமானம் 2023 ஆம் ஆண்டு ரஷ்ய-உக்ரைன் போரின் போது உக்ரைனில் உள்ள கீவ் சர்வதேச விமான நிலையத்தில் ரஷ்ய விமானத் தாக்குதலில் அழிந்துபோனமை குறிப்பிடத்தக்கது.