ஒஸ்மான் ஜெராட்டை காவலில் எடுத்து விசாரிக்க நீதிமன்றம் அனுமதி

ஐ.எஸ்.ஐ.எஸ் சம்பவம் தொடர்பில் இலங்கையில் கைது செய்யப்பட்ட மூவரின் வங்கிக் கணக்குகள் மற்றும் வெளிநாடுகளில் இருந்து பணம் பெற்றதா என்பது குறித்து விசாரணை நடத்துவதற்கு பயங்கரவாத புலனாய்வு பிரிவினர் இன்று (01) கோட்டை நீதவான் நீதிமன்றில் அனுமதி பெற்றுள்ளனர்.

ஐ.எஸ்.ஐ.எஸ் பயங்கரவாத அமைப்புடன் தொடர்பு வைத்திருந்ததாக குற்றம் சாட்டப்பட்டு இந்தியாவில் கைது செய்யப்பட்ட நான்கு இலங்கையர்களுடன் தொடர்பு வைத்திருந்ததாக சந்தேகத்தின் பேரில் இலங்கையில் கைது செய்யப்பட்ட மூவர் பற்றியது.

அத்துடன், இணையத்தளத்தில் கொடுக்கல் வாங்கல் மேற்கொள்ளப்பட்டிருந்தால் அது தொடர்பான சிசிடிவி காட்சிகளை பெற்றுக்கொள்ளுமாறு கோட்டை நீதவான் நீதிமன்றம் இன்று உத்தரவிட்டுள்ளது.

இதேவேளை, ஐ.எஸ்.ஐ.எஸ் பயங்கரவாத அமைப்புடன் தொடர்பு வைத்திருந்ததாக குற்றம் சுமத்தப்பட்டு இந்தியாவில் கைது செய்யப்பட்ட நான்கு இலங்கையர்களின் தலைவனாக கருதப்படும் ஒஸ்மான் ஜெராட் நேற்று (31) இரவு கொழும்பில் வைத்து கைது செய்யப்பட்டுள்ளார்.

குற்றப் புலனாய்வுத் திணைக்களம் மற்றும் பயங்கரவாத புலனாய்வுப் பிரிவினருக்கு இடையிலான கூட்டு நடவடிக்கை ஊடாக அவர் கைது செய்யப்பட்டார்

ஐ.எஸ்.ஐ.எஸ் அமைப்புடன் தொடர்புடையதாகக் குற்றம் சாட்டப்பட்டு இந்தியாவில் கைது செய்யப்பட்ட நான்கு இலங்கையர்களுடன் நெருங்கிய தொடர்பு வைத்திருந்ததாகவும் அவர்களுக்கு ஆதரவாகவும் சந்தேகிக்கப்படும் நபரைக் கைது செய்வதற்கு பொதுமக்களின் உதவியை பொலிஸார் கடந்த சனிக்கிழமை கோரியிருந்தனர்.

அவர் தெமட்டகொட பிரதேசத்தை சேர்ந்த 46 வயதான ஜெராட் புஷ்பராஜா ஒஸ்மான் ஜெராட் என பொலிஸார் தெரிவித்தனர்.

இதேவேளை, சந்தேகநபர் கொழும்பு பகுதியில் பதுங்கியுள்ளதாக கிடைத்த தகவலின் பிரகாரம், நேற்றிரவு அவரை கைது செய்வதற்கான ஏற்பாடுகள் மேற்கொள்ளப்பட்டன.

குற்றப் புலனாய்வுத் திணைக்களத்திற்குப் பொறுப்பான பிரதிப் பொலிஸ் மா அதிபர் ரொஹான் பிரேமரத்னவின் நேரடிக் கண்காணிப்பில் பயங்கரவாதப் புலனாய்வுப் பிரிவினரும் குற்றப் புலனாய்வுத் திணைக்களமும் இணைந்து நடத்திய கூட்டு நடவடிக்கையிலேயே இது இடம்பெற்றுள்ளது.

சந்தேக நபரிடம் மேற்கொள்ளப்பட்ட விசாரணைகளின் போது, ​​இலங்கையில் வைத்து இந்தியாவில் கைது செய்யப்பட்ட நால்வருடன் நெருங்கிய தொடர்பு வைத்திருந்தமை தெரியவந்துள்ளது.

இந்தியாவில் கைது செய்யப்பட்ட சந்தேகநபர் நால்வரும் இலங்கையில் நடத்தப்பட்ட பிரசங்கங்களிலும் பங்குபற்றியுள்ளதாக பொலிஸார் தெரிவித்தனர்.

சந்தேகநபர் இதனை திட்டமிட்டு ஆதரவளித்துள்ளதாக பொலிஸார் குறிப்பிட்டுள்ளனர். திருமணமாகாத சந்தேகநபர் இறைச்சி வியாபாரியாக பணிபுரிவதாக தெரிவிக்கப்படுகிறது.

தொடர்புடைய செய்திகள்:

பாதி எரிந்த உடலை பிரேத பரிசோதனைக்காக எடுத்துச் சென்ற அதிகாரிகள் சுதந்திரக் கட்சியின் அரசியல் குழுக் கூட்டம் நாளை குழந்தைகள் வார்டு ஒன்றின் மேற்கூரை இடிந்து விழுந்து விபத்து ஹமாஸ் தலைவர் எப்படி கொல்லப்பட்டார் கோட்டாவின் காலத்தை மறந்துவிட வேண்டாம் சிங்கள மக்களும் தமிழ் வேட்பாளருக்கு வாக்களிக்க வேண்டும்