கர்நாடகா – தாலுகா அலுவலகத்தில் குடிபோதையில் அரை நிர்வாணமாக ரகளையில் ஈடுபட்ட வாலிபர்!
குடிபோதையில் தாலுகா அலுவலகத்தில் அரை நிர்வாணமாக ரகளையில் ஈடுபட்ட வாலிபரால் பெரும் பரபரப்பு ஏற்பட்டது.
கர்நாடகா மாநிலம், தும்கூர் மாவட்டத்தில் துருவேகெரே தாலுகா அலுவலகம் உள்ளது. இங்கு சான்றிதழ் பெறுவதற்காக ஏராளமான பொதுமக்கள் காத்திருந்தனர். அப்போது இந்த அலுவலகத்திற்கு வினோபா நகரைச் சேர்ந்த ரவி என்பவர் வந்தார். அப்போது அவர் குடிபோதையில் இருந்துள்ளார்.
அப்போது தான் உடுத்தியிருந்த ஆடைகளை ஒவ்வொன்றாக கிழித்தெறிந்துள்ளார். இதனால் அங்கு பரபரப்பு ஏற்பட்டது. அவரை அங்கிருந்தவர்கள் சமாதானம் செய்ய முயன்றனர். இதனால் அவர்களுடன் ரவி வாக்குவாதத்தில் ஈடுபட்டார். அப்போது அங்கிருந்த பொலிஸார் முன்னிலையில் மனைவி மற்றும் தாயாரை ரவி தாக்க முயற்சித்துள்ளார். இதனால் அவரை அங்கிருந்து பொலிஸார் வெளியேற்ற முயற்சி செய்தனர். இதனால் அவர்களுடன் ரவி வாக்குவாதத்தில் ஈடுபட்டார்.
இதனால் தாலுகா அலுவலகத்திற்கு வந்த பொதுமக்கள், ஊழியர்கள் அதிர்ச்சியடைந்தனர். தரையில் உருண்டு ஆர்ப்பாட்டம் செய்ததுடன், தாலுகா அலுவலகத்தை விட்டு வெளியேற மாட்டேன் என்று ரவி குடிபோதையில் தகராறு செய்தார். இதனால் அவரை துருவேகெரே பொலிஸார் கைது செய்து அழைத்துச் சென்றனர்.
குடும்ப பிரச்சினை காரணமாக குடிபோதையில் இருந்த ரவி, மன உளைச்சலில் இப்படி நடந்து கொண்டதாக பொலிஸார் கூறினர். இச்சம்பவம் துருவேகெரே தாலுகா அலுவலகத்தில் பரபரப்பை ஏற்படுத்தியுள்ளது.
(Visited 6 times, 1 visits today)
