தென் கொரியாவில் 1,000க்கும் மேற்பட்ட நாய்கள் கொல்லப்பட்ட கொடூரம்

தென் கொரியாவில் 1,000க்கும் மேற்பட்ட நாய்கள் பட்டினியால் கொல்லப்பட்ட கொடூரமான சம்பவமாக ஊடகங்கள் செய்தி வெளியிட்டுள்ளன.

விலங்குகளை துஷ்பிரயோகம் செய்த வழக்கை விசாரித்த தென்கொரியா காவல்துறை, குற்றம் சாட்டப்பட்டவர் 60 வயதான நபர் கைவிடப்பட்ட நாய்களை எடுத்துச் சென்று இறக்கும் வரை பட்டினி போட்டதாக வாக்குமூலம் அளித்ததாக தி கொரியா ஹெரால்ட் செய்தி வெளியிட்டுள்ளது.

இருப்பினும், விலங்கு உரிமை ஆர்வலர்கள், இனப்பெருக்க வயதைக் கடந்த அல்லது வணிக ரீதியாக கவர்ச்சிகரமானதாக இல்லாத நாய்களை அகற்றுவதற்காக நாய் வளர்ப்பவர்களிடம் இருந்த அந்த நபர் பணம் பெற்றதாகக் கூறினார்.

2020 ஆம் ஆண்டு முதல் நாய் ஒன்றுக்கு 10,000 வென்று அவற்றைக் கவனித்துக் கொள்ள அவருக்கு வழங்கப்பட்டது, அதைத் தொடர்ந்து அவர் அவற்றைப் பூட்டி பட்டினியால் கொன்றார் என்று விலங்கு உரிமைகள் குழு கேர் பிரதிநிதி கேபிள் செய்தி சேனல் MBN க்கு தெரிவித்தார்.

தென் கொரியாவின் அதிக மக்கள்தொகை கொண்ட ஜியோங்கி மாகாணத்தில் உள்ள யாங்பியோங்கில் உள்ளூர் நபர் தனது சொந்த நாயை தேடிக்கொண்டிருந்தபோது திகில் சம்பத்தை கண்டுள்ளார்.

துஷ்பிரயோகம் செய்யப்பட்ட நாய்களின் சிதைந்த சடலங்கள் தரையில் ஒரு அடுக்கை உருவாக்கியது, அதன் மேல் மற்றொரு வரிசையில்  மேலும் நாய்களின் உடல்கள் வைக்கப்பட்டன. பட்டினியால் வாடிய நாய்கள் கூண்டு, சாக்கு, ரப்பர் பெட்டிகளில் அடைத்து வைக்கப்பட்டிருந்தன.

இறந்த நாய்கள் இந்த வாரம் அகற்றப்படும் என்று யாங்பியோங்கில் உள்ள உள்ளூர் அரசாங்கம் தெரிவித்துள்ளது.

நான்கு நாய்கள் சித்திரவதையான சூழ்நிலையில் இருந்து தப்பித்து, ஊட்டச்சத்து குறைபாடு மற்றும் தோல் நோய்க்காக மருத்துவமனையில் சிகிச்சை பெற்று வருகின்றன. நான்கு நாய்களில் இரண்டு நாய்கள் ஆபத்தான நிலையில் இருப்பதாக கூறப்படுகின்றது. வெளியிட்டுள்ளது.

தென் கொரியாவில் கடுமையான விலங்கு பாதுகாப்பு சட்டங்கள் இருந்தாலும், வேண்டுமென்றே ஒரு விலங்குக்கு உணவளிக்கவோ அல்லது தண்ணீர் கொடுக்கவோ தவறி கொலை செய்பவர்களுக்கு மூன்று ஆண்டுகள் சிறைத்தண்டனை அல்லது 30 மில்லியன் அபராதம் விதிக்கப்படும்.

2010 மற்றும் 2019 க்கு இடைப்பட்ட ஒன்பது வருட காலப்பகுதியில் விலங்கு துஷ்பிரயோக வழக்குகள் 69 இல் இருந்து 914 ஆக அதிகரித்துள்ளதாக மிரர் தெரிவித்துள்ளது. விவசாய அமைச்சகத்தின் விலங்கு மற்றும் தாவர தனிமைப்படுத்தல் முகமையின்படி, விலங்குகள் கைவிடப்பட்ட சம்பவங்களும் சுமார் 40,000 அதிகரித்துள்ளது.

See also  இலங்கையில் பொதுத் தேர்தலுக்கான வேட்பு மனு கையேற்பு இன்று முதல்

தொடர்புடைய செய்திகள்:

தேர்தலில் அதிக பெண்களை களமிறக்கியுள்ள இம்ரான் கானின் கட்சி மனிதாபிமான உதவிக்காக முக்கிய எல்லை கடவையை திறக்க ஒப்புக்கொண்ட நெதன்யாகு உயிரிழந்த வங்கதேச எம்.பி குறித்து வெளிவந்த அதிர்ச்சி தகவல் நிதி உதவிக்காக இந்தியாவுக்கு நன்றி தெரிவித்த பாலஸ்தீன தூதரகம் ஷேக் ஹசீனா மீது மேலும் 5 கொலை வழக்குகள் பதிவு மலேசியாவில் மாயமான இந்தியப் பெண்ணைத் தேடும் பணி நிறுத்தம்