நிலவும் சீரற்ற வானிலை : இலங்கையின் பலப் பகுதிகளுக்கு வெள்ள அபாய எச்சரிக்கை!

தொடர் மழை காரணமாக நில்வலா ஆறு, ஜின் கங்கை மற்றும் குடா கங்கையின் தாழ்வான பகுதிகளுக்கு விடுக்கப்பட்ட ‘அம்பர்  வெள்ள அபாய எச்சரிக்கையை நீர்ப்பாசன திணைக்களம் இன்றும் (30.09)  நீட்டித்துள்ளது.

இதன்படி குறித்த வெள்ள அபாய எச்சரிக்கை வரும் ஒக்டோபர் மாதம் முதலாம் திகதிவரை அமுலில் இருக்கும் என அறிவிக்கப்பட்டுள்ளது.

கொட்டாபொல, பிடபெத்தர, அக்குரஸ்ஸ, பஸ்கொட, அத்துரலிய, மாலிம்பட, திஹாகொட, மாத்தறை மற்றும் தெவிநுவர பிரதேச செயலகப் பிரிவுகளுக்கு குறித்த அம்பர் எச்சரிக்கை விடுக்கப்பட்டுள்ளது.

அதேபோல்  களு ஆற்றின் குடா கங்கை துணைப் படுகையில் பாலிந்த நுவர மற்றும் புலத்சிங்கள பிரதேச செயலகப் பிரிவுகள், வெலிவிடிய திவித்துர, பத்தேகம, நியகம, நெலுவ, தவலம, நாகொட, எல்பிட்டிய மற்றும் போபே போத்தல பிரதேச செயலகப் பிரிவுகள் உள்ளிட்ட பகுதிகளுக்கு அம்பர் எச்சரிக்கை நீட்டிக்கப்பட்டுள்ளது.

நிலவும் சீரற்ற காலநிலை தொடர்பில் அவ்வழியாக செல்லும் வாகன சாரதிகள் மற்றும் பிரதேசங்களில் வசிப்பவர்கள் அதிக கவனம் செலுத்துமாறு அறிவுறுத்தப்பட்டுள்ளனர்.

இதேவேளை,அனர்த்த நிலைமைகள் தொடர்பில் போதிய  முன்னெச்சரிக்கை நடவடிக்கைகளை மேற்கொள்ளுமாறு அனர்த்த முகாமைத்துவ அதிகாரிகளிடம் கோரிக்கை விடுக்கப்பட்டுள்ளது.

தொடர்புடைய செய்திகள்:

மட்டக்களப்பு மாவட்ட அபிவிருத்தி குழு கூட்டம்: அதாவுல்லா மீது சாணக்கியன் கடும் விமர்சனம் ஜனாதிபதி தேர்தலில் போட்டியிட தயார்: தயாசிறி அறிவிப்பு இலங்கை – ஜனாதிபதித் தேர்தல் நடத்தப்படும் திகதி அறிவிக்கப்பட்டது யாழில் வீடொன்றிற்கு சடலமாக மீட்கப்பட்ட நபர் – விசாரணைகளை ஆரம்பித்த பொலிஸார் TNL தொலைக்காட்சி மூடப்படுகொன்றது இலங்கை: பாதாள உலகக் குழு உறுப்பினரிடம் இருந்து உயர் வெடிபொருட்கள் மற்றும் கைக்குண்டுகளை மீட்டுள்ள பொலிஸார்