பெண்களின் உள்ளாடைகளை அணிந்திருந்த இராணுவ சிப்பாய் கைது!

ஹொரண பிரதேசத்திலுள்ள இராணுவ முகாமில் கடமையாற்றும் இராணுவ சார்ஜன்ட் ஒருவர் பெண்களுக்கான உள்ளாடைகளை அணிந்திருந்த நிலையில் கைது செய்யப்பட்டுள்ளதாக அங்குருவாதொட்ட பொலிஸார் தெரிவிக்கின்றனர்.

நிகவெரட்டிய பிரதேசத்தை சேர்ந்த நாற்பது வயதுடைய நபரே இவ்வாறு கைது செய்யப்பட்டுள்ளார்

இராணுவ முகாமிற்கு அண்மித்த வீடொன்றில், குறித்த பெண்ணின் உள்ளாடைகள் தொடர்ச்சியாக காணாமல் போயிருந்தமை தொடர்பில் அவதானம் செலுத்திய வேளையில், குறித்த இராணுவ சிப்பாய் உள்ளாடைகளை திருடியது கண்டுப்பிடிக்கப்பட்டுள்ளது.

இதனையடுத்து குறித்த நபரை துரத்த முயன்றதாகவும், அவர் கம்பி வழியாக பதுங்கி முகாமிற்கு தப்பிச் சென்றதாகவும் பொலிஸார் தெரிவித்தனர். பின்னர் அவர் ஒருவழியாக கைது செய்யப்பட்டுள்ளார்.

அவரிடம் மேற்கொள்ளப்பட்ட விசாரணைகளில். பெண்கள் அணியும் உள்ளாடைகளை அணிந்திருந்தது தெரியவந்துள்ளது.

இந்த விவகாரம் குறித்து பொலிஸார் விசாரணைகளை முன்னெடுத்து வருகின்றனர்.