எம்.ஜி.ஆர் சிலை மீது சிவப்பு பெயிண்ட் பூசிய மர்ம நபர்கள்!

மறைந்த முன்னாள் தமிழக முதலமைச்சரும், அதிமுக கட்சி நிறுவனருமான எம்.ஜி.ஆரின் சிலை, புதன்கிழமை அடையாளம் தெரியாத மர்ம நபர்களால் சிவப்பு பெயிண்ட் பூசி சேதப்படுத்தப்பட்டது.

சிலை அமைந்துள்ள சென்னை ராயபுரம் அருகே காலிங்கராயன் தெருவில் இந்த சம்பவம் நடந்துள்ளது.

நேற்று நள்ளிரவு இந்த சிலை மீது, அடையாளம் தெரியாத நபர்கள், சிவப்பு சிற பெயின்டை பூசி அவமதிப்பு செய்துள்ளனர்.

இது தொடர்பாக அதிமுக பகுதி செயலாளர் அளித்த புகாரின்பேரில் காவல்துறையினர் விசாரணை மேற்கொண்டு வருகின்றனர்.

இச்சம்பவம் குறித்து ராயபுரம் பகுதியை சேர்ந்த அக்கட்சியினர் கூறுகையில், “தினமும் காலையில் இங்கு வந்து தலைவருக்கு மலர் தூவி மரியாதை செலுத்துகிறோம். இன்று காலை சம்பவ இடத்திற்கு வந்தபோது சிலைக்கு மேல் சிவப்பு பெயின்ட் அடிக்கப்பட்டிருப்பதை கண்டு அதிர்ச்சியடைந்தோம்.” என்று தெரிவித்துள்ளனர்.