டிக்டோக் செயலியை வாங்க அமேசான் நிறுவனம் முயற்சி

டிக்டோக் செயலியை வாங்க அமேசான் நிறுவனம் ஏலத்தில் பங்கேற்றுள்ளதாக வெள்ளை மாளிகை செய்தித் தொடர்பாளர் தெரிவித்தார்.

அதன்படி, அமேசான் தனது முன்மொழிவை அமெரிக்க துணைத் தலைவர் ஜே.டி. வான்ஸ் மற்றும் வர்த்தக செயலாளர் ஹோவர்ட் லுட்னிக் ஆகியோருக்கு ஒரு கடிதத்தில் சமர்ப்பித்துள்ளதாக கூறப்படுகிறது.

சமீபத்தில், தேசிய பாதுகாப்பு காரணங்களுக்காக டிக்டோக்கை தடை செய்ய வேண்டும் என்று அமெரிக்க உச்ச நீதிமன்றம் ஒருமனதாக தீர்ப்பளித்தது.

ஆனால் ஜனாதிபதி டொனால்ட் டிரம்ப் டிக்டோக் செயலியை நாட்டில் மேலும் 75 நாட்களுக்கு செயல்பட அனுமதித்தார்.

இதற்கிடையில், டெஸ்லா உரிமையாளர் எலோன் மஸ்க் உட்பட பல செல்வந்தர்கள் முன்பு டிக்டோக் செயலியை வாங்க ஏலம் எடுத்துள்ளனர்.

இருப்பினும், டிக்டோக்கின் உரிமையாளரான பைட் டான்ஸ், இந்த செயலியை விற்கத் திட்டமிட்டுள்ளதாக எந்த அறிக்கையும் இல்லை என்று நியூயார்க் டைம்ஸ் குறிப்பிடுகிறது.