சஜித்தின் இருக்கையில் அமர்ந்த அர்ச்சுனா மன்னிப்பு கோரினார்
10வது பாராளுமன்ற ஆரம்ப அமர்வில் எதிர்க்கட்சித் தலைவர் ஆசனத்தில் அமர்ந்திருந்த யாழ்.மாவட்ட சுயேட்சைக்குழு உறுப்பினர் திரு.அர்ச்சுனா இராமநாதன் நடந்த சம்பவத்திற்கு மன்னிப்பு கோரியுள்ளார்.
புதிய நாடாளுமன்ற உறுப்பினர்களுக்காக இன்று (25) நடைபெற்ற விழிப்புணர்வு செயலமர்வில் அவர் மன்னிப்பு கோரினார்.
அவர் மேலும் கூறியதாவது,
“நான் எங்கே அமர வேண்டும் என்று கேட்டேன். எந்த இடத்திலும் உட்காருங்க என்றார். இதனால் எங்கு வேண்டுமானாலும் அமரலாம் என்று நினைத்தேன்.
அப்போது நால்வர் வந்து என்னுடன் பேசினார்கள். எதிர்க்கட்சித் தலைவர் தினமும் உட்காரும் நாற்காலி இது என்று என்னிடம் சொன்னார்கள். பிறகு வேறு நாற்காலியில் உட்காரலாம் என்று நினைத்தேன்.
இந்நிலையில் எதிர்க்கட்சித் தலைவர் நாற்காலியில் புலி வந்து அமர்ந்திருக்கிறது என்று எல்லா ஊடகங்களிலும் புலியின் பெயரைப் போட்டது எனக்கு மிகவும் வருத்தமாக இருக்கிறது.
நான் வேண்டுமென்றே போய் அமரவில்லை.
அந்த வகையில் நான் தவறு செய்துவிட்டேன் என்று பகிரங்கமாக மன்னிப்பு கேட்க விரும்புகிறேன். என்றார்.
(Visited 3 times, 3 visits today)
