செலவு குறைப்பின் ஒரு பகுதியாக சீனாவில் 2,000 ஊழியர்களை ஆட்குறைப்பு செய்தது நோக்கியா

நோக்கியா நிறுவனம் சீனாவில் ஏறக்குறைய 2,000 ஊழியர்களை அல்லது அங்குள்ள தனது ஊழியர்களில் ஐந்தில் ஒருவரை ஆட்குறைப்பு செய்துள்ளதாகத் தகவல் வெளியாகி உள்ளது.

அத்துடன், மேலும் 350 ஊழியர்களை ஐரோப்பாவில் ஆட்குறைப்பு செய்யும் திட்டம் அதனிடம் இருப்பதாகத் தகவலறிந்த வட்டாரங்கள் கூறின.

அந்த 350 ஊழியர்களை ஆட்குறைப்பு செய்வது தொடர்பான ஆலோசனையை நோக்கியா தொடங்கி இருப்பதை அதன் பேச்சாளர் ஒருவர் உறுதிப்படுத்தினார்.இருப்பினும், சீனாவில் ஆட்குறைப்பு செய்யப்பட்டு இருப்பது பற்றி அவர் வாய்திறக்கவில்லை.

2023 டிசம்பர் மாத நிலவரப்படி, சீனாவில் 10,400 ஊழிர்களும் ஐரோப்பாவில் 37,400 ஊழியர்களும் நோக்கியா நிறுவனத்தில் வேலை செய்ததாக அதன் ஆண்டறிக்கையில் தெரிவிக்கப்பட்டு இருந்தது.

2026ஆம் ஆண்டுக்குள் 14,000 ஊழியர்களை ஆட்குறைப்பு செய்து 800 மில்லியன் யூரோ (S$1.14 பில்லியன்) முதல் 1.2 பில்லியன் யூரோ வரை செலவைக் குறைக்க இருப்பதாக கடந்த ஆண்டு நோக்கியா தெரிவித்து இருந்தது.

அதன் ஒரு பகுதியாக தற்போது ஆட்குறைப்பு நடவடிக்கை இடம்பெற்று இருப்பதாகக் கூறப்படுகிறது.

See also  லெபனானில் இருந்து 100க்கும் மேற்பட்ட ஐரோப்பியர்களை வெளியேற்றிய பெல்ஜிய இராணுவம்

தொடர்புடைய செய்திகள்:

இந்திய இருமல் மருந்தால் உயிரிழந்த குழந்தைகள்… உஸ்பெகிஸ்தானில் இந்தியர் உட்பட 21 பேருக்கு சிறை ஜனாதிபதி மறைவு – ஈரானில் ஐந்து நாட்கள் துக்கம் அனுசரிப்பு ஊழியர்களுக்கான சிறந்த மகப்பேறு விடுமுறையை அறிவிக்கும் UAE நிறுவனங்கள் ஏவுதளத்தில் இருந்து பிரிந்து சீனாவில் விழுந்து நொறுங்கிய ரொக்கெட்! காஸா பள்ளி மீது இஸ்ரேல்தாக்குதலில் 100க்கும் மேற்பட்டோர் பலி! வங்கதேசத்தில் அரசு எதிரான கிளர்ச்சியின் பின்னணியில் இருக்கும் அமெரிக்கா : எழுந்துள்ள குற்றச்சாட்டு!