60mph வேகத்தில் வரும் காற்று : இங்கிலாந்து மக்களுக்கு மஞ்சள் எச்சரிக்கை விடுப்பு!

இங்கிலாந்தின் பல பகுதிகளில் பலத்த காற்றானது 60 மைல் வேகத்தில்  வீசக்கூடும் என முன்னறிவிக்கப்பட்டுள்ளது.

இங்கிலாந்தின் கிழக்கு மற்றும் வடக்கு, கிழக்கு மிட்லாண்ட்ஸ், வேல்ஸ், யார்க்ஷயர் மற்றும் ஹம்பர், டெவோன் மற்றும் கார்ன்வால் மற்றும் தெற்கு கடற்கரையின் பெரும்பாலான பகுதிகளை உள்ளடக்கிய பகுதிகளில் பலத்த  காற்றுக்கான மஞ்சள் எச்சரிக்கை விடுக்கப்பட்டுள்ளது.

புதிய வானிலை வரைபடங்களின்படி, தென்மேற்கிலிருந்து நெருங்கி வரும் புயல் காற்றானது 60mph வேகத்தில் வீசும் எனத் தெரிவிக்கப்பட்டுள்ளது.

“சில இடையூறுகளை ஏற்படுத்தலாம்” என்றும் கனமழை பெய்யும் அபாயம் இருப்பதாகவும் வானிலை ஆய்வு மையம் முன்னுரைத்துள்ளது.