காஸாவில் உள்ள பள்ளி மீது இஸ்ரேல் தாக்குதல் ; 27 அகதிகள் உயிரிழப்பு
காஸாவில் உள்ள பள்ளி ஒன்றின் மீது இஸ்ரேலியப் போர் விமானங்கள் தாக்குதல் நடத்தின.
அப்பள்ளி வளாகத்தில் ஹமாஸ் போராளிகள் இருந்ததாகவும் தாக்குதலில் அவர்கள் இறந்து விட்டதாகவும் இஸ்ரேல் கூறியது.
2023ஆம் ஆண்டு அக்டோபர் மாதம் 7ஆம் திகதி இஸ்ரேலுக்குள் நுழைந்து தாக்குதல் நடத்தி பலரைக் கடத்திச் சென்ற போராளிகளில் இவர்களும் அடங்குவர் என்று இஸ்ரேலிய அதிகாரிகள் கூறினர்.ஆனால் இதை காஸா ஊடகம் மறுத்தது.
அந்தப் பள்ளியில் அகதிகள் இருந்ததாக அது கூறியது.
இஸ்ரேலியத் தாக்குதலில் 27 அகதிகள் இறந்துள்ளதாக காஸா ஊடகம் தெரிவித்தது.
அந்தப் பள்ளி வளாகத்தில் ஹமாஸ் போராளிகள் பதுங்கியிருந்ததாக இஸ்ரேல் கூறுவது உண்மையன்று என்று ஹமாஸ் அமைப்பின் கட்டுப்பாட்டின்கீழ் செயல்படும் ஊடகத்தின் இயக்குநர் இஸ்மாயில் அல் தவாப்டா கூறினார்.
