பிரித்தானியாவில் விசா இல்லாத தமிழர்களுக்கு ஏற்பட்டுள்ள ஆபத்து

பிரித்தானியாவில் தமிழர் உட்பட புகலிட கோரிக்கையாளர்களை விரட்டி விரட்டி கைது செய்யும் நடவடிக்கையை பொலிஸார் முன்னெடுத்து வருகின்றனர்.

வீடுகள், பணியாற்றும் கடைகள் என பல இடங்களில் அதிரடியாக புகுந்து பலர் கைது செய்யப்பட்டுள்ளனர். பல கடைகளில் கைக்காசுக்கு பணியாற்றும் பல தமிழர்கள் ஆபத்தான நிலைமைய எதிர்நோக்கியுள்ளனர்.

ருவண்டாவிற்கு புகலிடக்கோரிக்கையாளர்களை அனுப்பும் நடவடிக்கைகளை திட்டத்தின் ஒரு பகுதியாக புகலிடக்கோரிக்கையாளர்களை கைது செய்யும் நடவடிக்கை தீவிரப்படுத்தப்பட்டுள்ளது.

புகலிடக்கோரிக்கையாளர்களுடன் முதலாவது விமானம் ஜூலை மாதம் முதல் வாரம் ருவாண்டா செல்லக்கூடும் என தகவல்கள் வெளியாகியுள்ளன.

பிரித்தானியாவில் தங்கியிருப்பதற்கு அனுமதியில்லாதவர்களை கைது செய்யும் நடவடிக்கைகளில் சட்டஅமுலாக்கல் அதிகாரிகள் ஈடுபட்டுள்ளனர் என உள்துறை அமைச்சர் ஜேம்ஸ் கிலெவெர்லி தெரிவித்துள்ளார்.