இலங்கையில் ஒரு வாடிக்கையாளர் கடையில் இருந்து வாங்கிய உலர்ந்த திராட்சைப் பொட்டலத்தில் இறந்த பல்லி இருப்பதைக் காட்டும் காணொளி வைரலாகி வருகிறது. அம்பலங்கொடையில் உள்ள படபொல நிந்தன கூட்டுறவு கடையில் இருந்து வாங்கப்பட்ட உலர்ந்த திராட்சைப் பொட்டலத்தில் இருந்தே இறந்த பல்லி இனங்காணப்பட்டுள்ளது. இலங்கையில் அண்மைக்காலமாக உணவுகளை விற்பனை செய்யும் சில நிறுவனங்கள் சுகாதாரமற்று செயற்படுவதையும், சில நிலையங்களில் குறிப்பிட சில உணவுகள் அதி கூடிய விலையில் விற்பனை செய்யப்படுவதும் அதிகரித்து வருகின்றமை குறிப்பிடத்தக்கது.

இலங்கையில் டெங்கு நோயினால் பாதிக்கப்பட்டவர்களின் எண்ணிக்கை இந்த மாதம் அதிகரித்துள்ளதாகத் தேசிய டெங்கு கட்டுப்பாட்டுப் பிரிவு தெரிவித்துள்ளது. இந்த மாதத்தின் இதுவரையான காலப்பகுதியில் 3,650 பேர் டெங்கு நோயினால் பாதிக்கப்பட்டுள்ளதாக அதன் பணிப்பாளர் வைத்தியர் சுதத் சமரவீர தெரிவித்துள்ளார். அத்துடன், கடந்த மூன்று வாரங்களில் மாத்திரம் டெங்கு நோயினால் இரண்டு பேர் உயிரிழந்ததாகக் குறிப்பிடப்பட்டுள்ளது. அதிகளவான நோயாளர்கள் மேல் மாகாணத்திலே பதிவாகியுள்ளனர். கொழும்பு மற்றும் கம்பஹா மாவட்டத்திலேயே அதிகளவான டெங்கு நோயாளர்கள் பதிவு செய்யப்பட்டுள்ளதாகத் தேசிய டெங்கு […]