வெலிமடை – அம்பகஸ்தோவ பகுதியில் இன்று பிற்பகல் இரண்டு பேருந்துகள் மோதி விபத்துக்குள்ளானதில் 11 பேர் காயமடைந்துள்ளனர். மெதவெலயிலிருந்து – வெலிமடை நோக்கிப் பயணித்த பேருந்து ஒன்றும் ஓல்டிமாரிலிருந்து வெலிமடை நோக்கிப் பயணித்த பேருந்து ஒன்றும் மோதியதிலேயே இந்த விபத்து ஏற்பட்டுள்ளது. காயமடைந்தவர்களில் 7 பெண்களும் 4 ஆண்களும் அடங்குவதாக காவல்துறையினர் தெரிவித்துள்ளனர். காயமடைந்தவர்கள் வெலிமடை போதனா வைத்தியசாலையில் சிகிச்சைக்காக அனுமதிக்கப்பட்டுள்ளனர்.

இலங்கையின் உள்ளூராட்சி மன்றங்களில் நிரந்தர ஓய்வூதியத்துடன் தற்காலிக, சாதாரண, மாற்று, ஒப்பந்த மற்றும் சலுகை அடிப்படையில் ஊழியர்களை நியமிப்பதற்கு அமைச்சரவை அங்கீகாரம் வழங்கியுள்ளது. பிரதமரும், பொதுநிர்வாக, உள்நாட்டலுவல்கள், மாகாண சபைகள் மற்றும் உள்ளூராட்சி மன்றங்கள் அமைச்சருமான திரு.தினேஷ் குணவர்தனவினால் முன்வைக்கப்பட்ட அமைச்சரவைப் பத்திரத்தில் தெரிவிக்கப்பட்டுள்ளது. இதன் மூலம் நாடளாவிய ரீதியில் உள்ளூராட்சி சபைகள், நகர சபைகள் மற்றும் மாநகர சபைகளில் தற்காலிக, சாதாரண, மாற்று, ஒப்பந்த மற்றும் சலுகை அடிப்படையில் பணியாற்றும் 8,435 பேர் நிரந்தர நியமனம் […]

முன்னாள் ஜனாதிபதி மஹிந்த ராஜபக்ஷ நான்கு நாள் பயணமாக சீனா சென்றுள்ளார். சீன அரசாங்கத்தின் விசேட அழைப்பின் பேரில் அவர் சீனாவிற்கு விஜயம் செய்யவுள்ளார். முன்னாள் ஜனாதிபதியின் தூதுக்குழுவில் மேலும் நால்வர் அடங்குவதாக கட்டுநாயக்க பண்டாரநாயக்க சர்வதேச விமான நிலையத்தின் கடமை முகாமையாளர் தெரிவித்தார். இந்த விஜயத்தின் போது அவர் சீன ஜனாதிபதி, பிரதமர் மற்றும் அந்நாட்டு வெளிவிவகார அமைச்சர் மற்றும் முக்கிய உயர்மட்ட அதிகாரிகளுடன் கலந்துரையாடவுள்ளதாகத் தெரிவிக்கப்படுகின்றது. இலங்கையின் கடன் மறுசீரமைப்பிற்கு சீனாவின் எக்சிம் வங்கி […]