இலங்கையில் எதிர்வரும் ஜனவரி மாதம் முதல் விசேட வர்த்தக வரியை நீக்குவதற்கான யோசனையை அமைச்சரவை ஏற்றுக்கொண்டுள்ளதாக நிதி இராஜாங்க அமைச்சர் ரஞ்சித் சியம்பலாபிட்டிய தெரிவித்துள்ளார். உள்ளூர் உற்பத்தியாளரைப் பாதுகாக்கவும் நுகர்வோரைப் பாதுகாக்கவும் புதிய வரி அறிமுகப்படுத்தப்படும் என அவர் சுட்டிக்காட்டியுள்ளார்.இன்று (29.03) காலை ருவன்வெல்ல பிரதேசத்தில் ஊடகங்களுக்கு கருத்து தெரிவிக்கும் போதே இராஜாங்க அமைச்சர் இதனை தெரிவித்தார். மேலும், இறக்குமதி மற்றும் ஏற்றுமதி வரிகளை எளிமையாக்கியதும் இந்த முடிவை எடுத்ததற்கு ஒரு காரணம் என்றும் அவர் குறிப்பிட்டுள்ளார்.

வவுனியாவில் முன்னறிவித்தல் இன்றி மின் துண்டிப்பு நடவடிக்கை முன்னெடுக்கப்பட்டுள்ளதாக மக்கள் விசனம் வெளியிட்டுள்ளனர். தற்போது மின் பட்டியல் அனுப்பப்படாமல் தொலைபேசி இலக்கத்திற்கே மின் கட்டண அறிவித்தல் வழங்கப்பட்டு வருகிறது. இந் நிலையில் மாதாந்த சம்பளம் பெறுபவர்கள் சம்பளம் கிடைத்த மறுநாள் மின் பட்டியலை செலுத்த காத்திருக்கும் நிலையில் எவ்வித முன் அறிவிப்பும் இன்றி மின்சாரசபையினர் மின்சாரத்தை துண்டித்து செல்வதாக தெரிவிக்கின்றனர். இது தொடர்பில் மின்சாரசபை காரியாலயத்தில் பாவனையாளர்கள் விளக்கம் கேட்டு முரண்பட்டிருந்தமையும் குறிப்பிடத்தக்கது.

நாட்டில் மாதமொன்றுக்கு 6 இலட்சம் கோழி முட்டைகள் உற்பத்தி செய்யப்பட்டு வருவதாகவும், டிசம்பர் மாதம் வரை முட்டையின் விலை அதிகரிக்கப்படமாட்டாது என அகில இலங்கை முட்டை உற்பத்தியாளர் சங்கத்தின் செயலாளர் ரத்னஸ்ரீ அழககோன் தெரிவித்துள்ளார். முட்டையின் விலை 35 ரூபாயாகக் குறைந்தால் சிறு மற்றும் நடுத்தர முட்டை உற்பத்தியாளர்கள் கடும் சிரமங்களுக்கு முகம் கொடுக்க நேரிடும். கடந்த 2023ஆம் ஆண்டு அரசாங்கம் அதிகமான கோழிகளை இறக்குமதி செய்துள்ளது. இதன் விளைவாக, 2025ஆம் ஆண்டின் ஆரம்பத்தில் முட்டைகளினதும் கோழிக் […]

உலகளாவிய ரீதியில் இன்று (29.03) கிறிஸ்தவர்களால் புனித வெள்ளி கடைப்பிடிக்கப்படுகின்ற நிலையில், இலங்கையில் விசேட பாதுகாப்பு நடவடிக்கைகள் பலப்படுத்தப்பட்டுள்ளன. இதற்கமைய பொலிஸ் விசேட அதிரடிப்படை அதிகாரிகள், புலனாய்வு அதிகாரிகள் மற்றும் முப்படை அதிகாரிகள் ஆகியோரின் உதவியும் பெற்றுக்கொள்ளப்படவுள்ளதாக பொலிஸ் தலைமையகம் குறிப்பிட்டுள்ளது. அதன்படி, ஒவ்வொரு காவல் துறையைச் சேர்ந்த அனைத்து கத்தோலிக்க/கிறிஸ்தவ மற்றும் பிற தேவாலயங்களின் பிதாக்கள் மற்றும் அந்த தேவாலயங்களின் நிர்வாக உறுப்பினர்களைச் சந்தித்து இந்த சிறப்பு பாதுகாப்பு திட்டம் தயாரிக்கப்பட்டுள்ளது.மொத்தம் 10,183 பாதுகாப்புப் பணியாளர்கள் […]

இலங்கையின் கரையோரப்பகுதிகளில் ரயில் போக்குவரத்து  இன்று (29) முதல் நாளை (31) வரை தாமதமாகும் என அறிவிக்கப்பட்டுள்ளது. வெள்ளவத்தைக்கும் கோட்டைக்கும் இடையில் ஓடும் புகையிரதம் மட்டுப்படுத்தப்பட்டுள்ளதாக திணைக்களம் தெரிவித்துள்ளது. நகர அபிவிருத்தி அதிகார சபையினால் வெள்ளவத்தை மற்றும் பம்பலப்பிட்டி புகையிரத நிலையங்களுக்கு இடையில் குழாய் ஒன்றின் பராமரிப்பு காரணமாக இந்த நடவடிக்கை எடுக்கப்பட்டுள்ளது. எவ்வாறாயினும், எதிர்வரும் ஞாயிற்றுக்கிழமை இரவுக்குப் பின்னர் ரயில் சேவை வழமைக்குத் திரும்பும் என ரயில்வே திணைக்களம் மேலும் தெரிவித்துள்ளது.