லாட்டரி சீட்டு விற்பனையில் மூன்று பேர் கைது

கோவையில் தமிழக அரசால் தடை செய்யப்பட்ட லாட்டரி சீட்டு விற்பனையில் ஈடுபட்ட மூன்று பேர் கைது செய்யப்பட்டு சிறையில் அடைக்கப்பட்டனர்.

கோவை பேரூர் காவல் நிலைய எல்லைக்குட்பட்ட சுண்டக்காமுத்தூர் பேருந்து நிறுத்தம் அருகே அஷ்யா கேரளா லாட்டரி சீட்டுகள், காருண்யா கேரளா லாட்டரி சீட்டுகள், ஸ்திரி சக்தி கேரளா லாட்டரி சீட்டுகள் என லாட்டரி சீட்டு விற்பனையில் மூன்று பேர் ஈடுபட்டுள்ளனர். இது குறித்து பேரூர் காவல்துறையினருக்கு கிடைக்கப்பெற்ற தகவலின் அடிப்படையில் அங்கு சென்ற காவல் துறையினர் லாட்டரி சீட்டு விற்பனையில் ஈடுபட்ட மூன்று பேரை கைது செய்தனர். அவர்களிடமிருந்து 36 லாட்டரி சீட்டுகள் பறிமுதல் செய்யப்பட்டது.

பின்னர் அவர்களிடம் நடத்தப்பட்ட விசாரணையில் அவர்கள் மூவரும் கோவையை சேர்ந்த தங்கராஜ்(42), அய்யாசாமி(48), ஐயப்பன்(48) என்பது தெரிய வந்தது. இதனையடுத்து மூன்று பேர் மீதும் வழக்கு பதிவு செய்யப்பட்டு சிறையில் அடைக்கப்பட்டனர்.