இலங்கையின் சுழலில் சிக்கிய வெஸ்ட் இண்டீஸ் அணி

இலங்கை – வெஸ்ட் இண்டீஸ் அணிகள் டி20 தொடரில் விளையாடி வருகிறது. முதல் டி20 போட்டியில் வெஸ்ட் இண்டீஸ் வெற்றி பெற்றது.

இந்நிலையில் இரு அணிகளுக்கு இடையேயான 2வது டி20 போட்டி நடைபெற்றது. இதில் டாஸ் வென்ற இலங்கை அணி பேட்டிங்கை தேர்வு செய்தது.

அதன்படி களமிறங்கிய இலங்கை அணி 20 ஓவர் முடிவில் 5 விக்கெட்டுகளை இழந்து 162 ரன்கள் எடுத்தது. அதிகபட்சமாக நிசங்கா 49 பந்தில் 54 ரன்கள் எடுத்து அவுட் ஆனார். வெஸ்ட் இண்டீஸ் தரப்பில் ரொமாரியோ ஷெப்பர்ட் 2 விக்கெட்டுகளை வீழ்த்தினார்.

இதனையடுத்து களமிறங்கிய வெஸ்ட் இண்டீஸ் அணியில் 3 பேர் மட்டுமே இரட்டை இலக்க ரன்களை எடுத்தனர். மற்ற வீரர்கள் சொற்ப ரன்னில் அடுத்தடுத்து வெளியேறினர்.

இதனால் வெஸ்ட் இண்டீஸ் அணி 16.1 ஓவரில் 89 ரன்னில் ஆல் அவுட் ஆனது.

இலங்கை தரப்பில் துனித் வெல்லலகே 3 விக்கெட்டும், தீக்ஷனா, அசலங்கா, ஹசரங்கா ஆகியோர் தலா 2 விக்கெட்டை வீழ்த்தினர்.