H-1B விசாவில் வெளிநாட்டு நபரை பணியமர்த்த காத்திருப்போருக்கு செக் வைத்த ட்ரம்ப் நிர்வாகம்!

H-1B விசாவில் வெளிநாட்டு நபர் ஒருவரை பணியமர்த்த சம்பந்தப்பட்ட நிறுவனம் 01 இலட்சம் அமெரிக்க டொலர்கள் செலுத்த வேண்டும் என்ற தகவல் சர்வதேச ஊடகங்களில் வெளியாகியுள்ளது.

இந்த புதிய விதி புதிதாக விசாவிற்கு விண்ணப்பிப்பவர்களுக்கு பொருந்தும் என்றும் ஏற்கனவே H-1B விசா வைத்திருப்பவர்களுக்கு பொருந்தாது என்றும் ட்ரம்ப் நிர்வாகம்  அறிவித்துள்ளது.

எப்-1 மாணவர் விசா அல்லது எல்-1 தொழில்முறை விசா போன்ற செல்லுபடியாகும் விசாக்களில் அமெரிக்காவில் வசிக்கும் நபர்கள் தங்களது விசாவை H-1B விசாவிற்கு மாற்ற முற்படும்போது உயர்த்தப்பட்ட கட்டணத்தை செலுத்த வேண்டிய அவசியம் இல்லை என்றும் குறிப்பிட்டுள்ளது.

இந்த அறிவிப்பு அமெரிக்காவில் படித்து வரும் சர்வதேச மாணவர்கள் உள்பட பல்வேறு வகை விசா வைத்திருப்பவர்களுக்கு ஆறுதலாக அமைந்துள்ளது.

இருப்பினும் அமெரிக்காவில் பணிப்புரிய காத்திருக்கும் பலருக்கும் ஏமாற்றம் அளிப்பதாக உள்ளது.