எரிபொருள் விலை குறித்து அரசாங்கம் எடுத்துள்ள சிறப்பு முடிவு

மத்திய கிழக்கில் நிலவும் போர்ச்சூழல் காரணமாக எண்ணெய் விலை உயரும் பட்சத்தில் விலையை எவ்வாறு கட்டுப்படுத்துவது என்பது குறித்து ஆராய்வதற்காக அரசாங்கம் விசேட குழுவொன்றை நியமித்துள்ளது.

இன்று (15) நடைபெற்ற அமைச்சரவை முடிவுகளை அறிவிக்கும் செய்தியாளர் மாநாட்டில் கலந்து கொண்ட அமைச்சரவைப் பேச்சாளர் அமைச்சர் விஜித ஹேரத், பெற்றோலியக் கூட்டுத்தாபனத்தின் அவதானிப்பு அறிக்கையின் அடிப்படையில் உரிய குழு பரிந்துரைகளை வழங்கும் என தெரிவித்தார்.

மேலும் கருத்து தெரிவித்த அமைச்சர்,

“மத்திய கிழக்கில் நிலவும்  இராணுவ சூழ்நிலையால், எண்ணெய் விலை உயரும் அபாயம் உள்ளது. இது குறித்து பெற்றோலிய கூட்டுத்தாபனத்தின் கண்காணிப்பு அறிக்கை வழங்கப்பட்டுள்ளது.

அத்தகைய நிலை ஏற்பட்டால் எண்ணெய் விலையை எவ்வாறு சமாளிப்பது என்பது குறித்து தலையிட்டு செயல்படவும் இந்த குழு முடிவு செய்திருந்தது.

இதேவேளை, அண்மையில் மேற்கொள்ளப்பட்ட மாதாந்த எரிபொருள் கட்டண திருத்தத்தின் பிரகாரம் பாடசாலை மாணவர்களை ஏற்றிச் செல்லும் வான் மற்றும் பஸ்களின் கட்டணம் தொடர்பில் தீர்மானிக்கப்பட உள்ளதாக அமைச்சர் விஜித ஹேரத் மேலும் தெரிவித்துள்ளார்.

“அரசு எரிபொருள் விலையை குறைத்துள்ளது, ஆனால் பஸ் கட்டணம் ஓரளவு குறைக்கப்பட்டுள்ளது, ஆனால் பாடசாலை போக்குவரத்து கட்டணம் குறைக்கப்படவில்லை.

எனவே, இரண்டு வாரங்களுக்குள் அறிக்கை அளித்து, பாடசாலை மாணவர்களை ஏற்றிச் செல்லும் வான்கள் மற்றும் பஸ்களின் கட்டணங்களை குறைக்க முடிவு செய்ய, இக்குழுவுக்கு பரிந்துரை செய்யப்பட்டுள்ளது.

தொடர்புடைய செய்திகள்:

விவசாய வேலைகளுக்காக மேலும் 211 இலங்கையர்கள் இஸ்ரேலுக்கு பயணம் இந்தியப் பிரதமர மோடிக்கு ஜனாதிபதி ரணில் வழங்கியுள்ள உறுதி யாழில் ஊடகவியலாளர் ஒருவரின் வீட்டின் மீது தாக்குதல் பிரமிட் திட்டம் மூலம் 350 கோடி ரூபாவை மோசடி – மூவர் கைது செப்டம்பரில் 181 மில்லியன் அமெரிக்க டொலர்களை எட்டிய இலங்கையின் சுற்றுலா வருமானம் தமிழரசுக் கட்சிக்குள் இருந்து வெளியேறிய சட்டத்தரணி உமாகரன்