டயானாவுக்குப் பதிலாக முஜிபுர் ரஹ்மான் – அரசிதழில் வெளியிடப்பட்டுள்ளது

டயானா கமகே தகுதி நீக்கம் செய்யப்பட்டதை அடுத்து வெற்றிடமாகியுள்ள நாடாளுமன்ற உறுப்பினர் பதவிக்கு முன்னாள் நாடாளுமன்ற உறுப்பினர் முஜிபுர் ரஹ்மானை சமகி ஜன பலவேகய நியமித்துள்ளதாக அதற்கான வர்த்தமானி அறிவிப்பு வெளியாகியுள்ளது.

தேர்தல்கள் ஆணைக்குழுவிற்கு வழங்கப்பட்டுள்ள அதிகாரங்களுக்கு அமைய இந்த வர்த்தமானி அறிவித்தல் வெளியிடப்பட்டுள்ளது.

உச்சநீதிமன்றம் வழங்கிய தீர்ப்பின்படி, டயானா கமகேவின் நாடாளுமன்ற உறுப்பினர் பதவி நீக்கப்பட்டது.

இதன்படி வெற்றிடமாகவுள்ள நாடாளுமன்ற உறுப்பினர் பதவிக்கு முன்னாள் நாடாளுமன்ற உறுப்பினர் முஜிபுர் ரஹ்மான் நியமிக்கப்படவுள்ளதாக சமகி ஜன பலவேகய தேர்தல்கள் ஆணைக்குழுவிடம் தெரிவித்திருந்தது.