FIFA உலகக் கோப்பையை முன்னிட்டு 3 மில்லியன் நாய்களைக் கொல்லும் மொராக்கோ

2030 FIFA உலகக் கோப்பையை ஸ்பெயின் மற்றும் போர்ச்சுகலுடன் இணைந்து நடத்தும் மொராக்கோ, தனது சுற்றுலா ஈர்ப்பை அதிகரிக்க மூன்று மில்லியன் தெருநாய்களை அழிக்கும் திட்டத்தை அறிவித்துள்ளது.

இந்த முயற்சி உலகளவில் விலங்கு நல அமைப்புகள் மற்றும் ஆர்வலர்களிடமிருந்து விமர்சனங்களைப் பெற்றுள்ளது.

மொராக்கோ அதிகாரிகள் தெருநாய் எண்ணிக்கையை நிவர்த்தி செய்ய மனிதாபிமானமற்ற மற்றும் சட்டவிரோத முறைகளைப் பயன்படுத்துவதாக ஊடகங்கள் செய்தி வெளியிட்டுள்ளது.

இதில் அதிக நச்சுத்தன்மையுள்ள ஸ்ட்ரைக்னைன் மூலம் விஷம் வைத்தல், பொது இடங்களில் நாய்களைச் சுடுதல் ஆகியவை அடங்கும்.

சர்வதேச விலங்கு நலன் மற்றும் பாதுகாப்பு கூட்டணி எச்சரிக்கை விடுத்துள்ளது.

புகழ்பெற்ற விலங்கு மருத்துவரும் விலங்கு உரிமைகள் வழக்கறிஞருமான ஜேன் குடால், கொலைகளைத் தடுக்க FIFA உடனடியாக நடவடிக்கை எடுக்க வேண்டும் என்று வலியுறுத்தியுள்ளார்.

தெருநாய்களை கொல்லுவதைத் தடைசெய்யும் சட்டப் பாதுகாப்புகள் மொராக்கோவில் இருந்தாலும், உள்ளூர் சட்ட அமலாக்கத்தின் தலையீடு இல்லாமல் அதிகாரிகள் இந்த நடவடிக்கைகளைத் தொடர்வதாக தகவல்கள் தெரிவிக்கின்றன.