அமெரிக்காவுடன் அணுசக்தி ஒப்பந்தத்திற்கு தயாராகும் ஈரான்!!

ஈரான், அமெரிக்காவுடன் அணுசக்தி ஒப்பந்தம் ஒன்றை மேற்கொண்டு வருவதாக தெஹ்ரானை சேர்ந்த அதிகாரி ஒருவர் நேற்று தெரிவித்துள்ளார்.

இது இரு தரப்பினருக்கும் பொருளாதார நன்மைகளை வழங்குகிறது என்றும் அவர் கூறியுள்ளார்.

அமெரிக்கா மற்றும் ஈரானுக்கு இடையிலான இரண்டாவது சுற்று பேச்சுவார்த்தைகள் நாளைய தினம்  ஜெனீவாவில்  இடம்பெறவுள்ள நிலையில், இந்த தகவல் வெளியாகியுள்ளது.

இதற்கிடையே பிராடிஸ்லாவாவில் (Bratislava) நடந்த செய்தியாளர் கூட்டத்தில் பேசிய அமெரிக்க வெளியுறவுத்துறை செயலாளர் மார்கோ ரூபியோ (Marco Rubio), ஜனாதிபதி டொனால்ட் ட்ரம்ப் இராஜதந்திரம் மற்றும் பேச்சுவார்த்தை மூலம் தீர்வு காண்பதை விரும்புவதாக தெளிவுபடுத்தியதாகவும், அது நடக்காமல் போகலாம் என்றும் குறிப்பிட்டிருந்தார்.

இந்நிலையில் அமெரிக்கா இரண்டாவது விமானம் தாங்கிக் கப்பலை மத்தியக் கிழக்கு பிராந்தியத்திற்கு அனுப்பியுள்ளது, மேலும் பேச்சுவார்த்தைகள் வெற்றிபெறவில்லை என்றால் தொடர்ச்சியான இராணுவ நடவடிக்கைக்கான சாத்தியக்கூறுகளுக்குத் தயாராகி வருவதாக அமெரிக்க அதிகாரிகள் ராய்ட்டர்ஸிடம் தெரிவித்துள்ளனர்.

இந்த சமீபத்திய போக்குகள் மத்தியக் கிழக்கில் அதிகரித்த பதற்றத்திற்கு வழிவகுத்துள்ளன. இந்நிலையில் ஈரான் அமெரிக்காவிற்கு சாதகமான முடிவை எடுத்துள்ளதாக தெரிவிக்கப்படுகிறது.