பிரித்தானியாவின் எடின்பர்க் விமான நிலையத்தின் சேவைகள் இன்று  தற்காலிகமாக நிறுத்திவைக்கப்பட்டுள்ளதாக அறிவிக்கப்பட்டுள்ளது. தகவல் தொழில்நுட்ப கோளாறு காரணமாக இந்நிலை ஏற்பட்டுள்ளதாக விமானப் போக்குவரத்துக் கட்டுப்பாட்டு வழங்குநர் தெரிவித்துள்ளார். தொழில்நுட்பக் சிக்கலை விரைவில் தீர்க்க விமான நிலையக் குழுக்கள் பணியாற்றிவருவதாகவும் அவர் மேலும் தெரிவித்துள்ளார். இந்த இடைநிறுத்தத்தைத் தொடர்ந்து ஏராளமான பயணங்கள் ரத்து செய்யப்பட்டன அல்லது திருப்பி விடப்பட்டுள்ளதாக குறிப்பிடப்பட்டுள்ளது. எவ்வாறாயினும் தற்போது  விமான சேவைகள் மீளவும் வழமைக்கு திரும்பியுள்ளதாக கூறப்படுகிறது.

ஐரோப்பிய நாடுகளில் குளிர்பருவம் ஆரம்பமாகியுள்ள நிலையில், பல நாடுகளில் ப்ளு காய்ச்சல் வேகமாக பரவி வருகின்றது. இது சுகாதார அதிகாரிகளுக்கு பல சவால்களை கொண்டுவந்துள்ளதாக தெரிவிக்கப்பட்டுள்ளது. A/H3N2 வைரஸ், குறிப்பாக துணைப்பிரிவு K உலகம் முழுவதிலும் வேகமாக பரவி வருவதாக சுகாதார நிபுணர்கள் எச்சரிக்கை விடுத்துள்ளனர். எவ்வாறாயினும் புதிதாக பரவி வரும் வைரஸ் மிகப் பெரிய அளவில் தாக்கத்தை ஏற்படுத்தாது எனவும் சுகாதார அதிகாரிகள் நம்பிக்கை வெளியிட்டுள்ளனர். A/H3N2 என்ற பழைய திரிபுக்கு எதிராக உருவாக்கப்பட்டுள்ள தடுப்பூசியால் […]