ராம் சரணின் கேம் சேஞ்சர் – வெளியான அதிகாரப்பூர்வ அறிவிப்பு

பிரபல இயக்குனர் சங்கர் இயக்கத்தில் இந்த ஆண்டு வெளியாகி வசூல் ரீதியாக சாதனை படைக்காத திரைப்படம் தான் இந்தியன் 2. கடந்த ஐந்து ஆண்டுகளாகவே இந்த திரைப்படத்திற்காக மிகப்பெரிய சிரமங்களை சங்கர் மேற்கொண்டு வந்தது குறிப்பிடத்தக்கது.

தொழில் நுட்ப ரீதியாகவும், கண்டன்டு ரீதியாகவும் இந்த திரைப்படம் மக்கள் மத்தியில் வரவேற்பைப் பெறவில்லை என்கின்ற ஒரு பரவலான தகவல் இருந்து வருகிறது.

இந்த சூழலில் இந்தியன் 2 திரைப்படத்தை எடுத்து வந்த அதே நேரம் தெலுங்கு திரை உலகின் முன்னணி நடிகராக வலம் வரும் ராம் சரணை வைத்து கேம் சேஞ்சர் என்கின்ற திரைப்படத்தை கடந்த சில வருடங்களாகவே இயக்கி வந்தார் சங்கர்.

கேம் சேஞ்சர் திரைப்படத்தை தான் பெரிய அளவில் நம்பி இருக்கிறார் இயக்குனர் சங்கர்.

இந்த சூழலில் தெலுங்கு மொழியில் அவர் முதல் முறையாக ஒரு திரைப்படத்தை இயக்குகிறார். கேம் சேஞ்சர் என்கின்ற அந்த திரைப்படம் விரைவில் வெளியாக உள்ள நிலையில், நாளை அந்த திரைப்படத்தின் டீசர் வெளியிடப்பட உள்ளது.

இந்நிலையில் அதற்கான ஒரு சிறு முன்னோட்டத்தையும் இப்போது தனது ட்விட்டர் பக்கத்தின் வாயிலாக இயக்குனர் சங்கர் வெளியிட்டுள்ளார். இந்த படத்திற்கு பிறகு நேரடியாக அவர் வேள் பாரி திரைப்பட பணிகளை துவங்குவார் என்றும் எதிர்பார்க்கப்படுகிறது.