சீயான் விக்ரம் – ஷங்கரின் பிளாக்பஸ்டர் ஹிட் திரைப்படம் விரைவில் மறுவெளியீடு! எந்த படம் தெரியுமா?

பிரமாண்ட இயக்குனர் ஷங்கர் மற்றும் பன்முக நடிகர் சீயான் விக்ரம் இரண்டு முறை இணைந்து ‘அந்நியன்’ மற்றும் ‘ஐ’ ஆகிய இரண்டும் பிளாக்பஸ்டர் ஹிட் திரைப்படக்களை கொடுத்தனர்.

குறிப்பாக ‘அந்நியன்’ படத்தில் விக்ரம் மல்டிபிள் பர்சனாலிட்டி டிஸார்டர் கொண்ட மனிதராக நடித்தது அவரது கேரியர் பெஸ்ட் என்று கருதப்படுகிறது.

2005ஆம் ஆண்டு வெளியான ‘அந்நியன்’ திரைப்படம் ரூ.20 கோடி பட்ஜெட்டில் தயாரிக்கப்பட்டு ரூ.57 கோடி வரை வசூல் செய்து சிறந்த ஸ்பெஷல் எஃபெக்ட்டுக்கான தேசிய விருதையும் வென்றது. இப்படத்தின் தயாரிப்பாளரான ஆஸ்கர் ரவிச்சந்திரன் இதனை 4K பதிப்பில் மீண்டும் வெளியிட திட்டமிட்டுள்ளதாகவும், அதற்கான பணிகளை தொடங்கியுள்ளதாகவும் தற்போது தகவல் வெளியாகியுள்ளது.

சமீபத்தில் கமல்ஹாசனின் வேட்டையாடு விளையாடு திரைப்படம் 4K பதிப்பில் வெளியாகி ரசிகர்களிடம் நல்ல வரவேற்பை பெற்றது. ‘அந்நியன்’ படம் வெளியாகி 18 ஆண்டுகள் ஆகியும் அதே வெற்றியைப் பெறுமா? பொறுத்திருந்து பார்ப்போம்.

ஷங்கர் தற்போது கமல்ஹாசனின் ‘இந்தியன் 2’ மற்றும் ராம் சரணின் ‘கேம் சேஞ்சர்’ ஆகிய படங்களை ஒரே நேரத்தில் இயக்கி வருகிறார். பா.ரஞ்சித் இயக்கும் ‘தங்கலான’ படத்தின் படப்பிடிப்பை முடித்துள்ள விக்ரம், லோகேஷ் கனகராஜ் தயாரிப்பில் ‘சியான் 62’ படத்திலும், ‘2018’ புகழ் ஜூட் அந்தனி ஜோசப் இயக்கும் மற்றொரு படத்திலும் நடிக்கிறார்.