14 வயது சிறுமியை துஷ்பிரயோகம் செய்த மூவர் கைது

பெற்றோரின் பராமரிப்பை இழந்த 14 வயது சிறுமியை தொடர்ச்சியாக துஷ்பிரயோகம் செய்த அவரது தாத்தா உட்பட மூவரை மொரகஹாஹேன பொலிஸார் கைது செய்துள்ளனர்.

சிறுமியை துஷ்பிரயோகம் செய்த மேலும் சிலரைக் கண்டறிய விசாரணைகள் ஆரம்பிக்கப்பட்டுள்ளதாக பொலிஸார் தெரிவித்தனர்.

ஹொரண மொரகஹஹேன பிரதேசத்தில் பாட்டியின் பாதுகாப்பில் இருந்த 14 வயது சிறுமியை துஷ்பிரயோகம் செய்த சம்பவம் தொடர்பில் சிறுமியின் 80 வயதுடைய தாத்தா உட்பட மூவரை பொலிஸார் கைது செய்துள்ளனர்.

கைது செய்யப்பட்ட மற்ற இருவரும் சிறுமியின் அத்தை மற்றும் பாட்டியின் பிள்ளைகள் என பொலிஸார் தெரிவித்தனர்.

சிறுமியின் மாமா என கூறப்படும் ஒருவரும், பாடசாலை மாணவர் ஒருவர் உட்பட இருவர் கைது செய்ய நடவடிக்கை எடுத்துள்ளதாக பொலிஸார் குறிப்பிட்டுள்ளனர்.

துஷ்பிரயோகத்திற்கு உள்ளான சிறுமியின் தாயார் சிறுமி இளவயதில் வெளிநாடு சென்றதாகவும், தந்தை தனித்தனியாக வசித்து வருவதாகவும் சிறுமிக்கு பொறுப்பாக இருந்த பாட்டி தெரிவித்துள்ளார்.

சிறுமிக்கு உள்ளூர் நபர் ஒருவருடன் தொடர்பு இருப்பதாகவும், இரவு நேரத்தில் அவர் வீட்டிற்கு வருவதாகவும் அயலவர் சிறுவர் பாதுகாப்பு அதிகாரசபையிடம் முறைப்பாடு செய்திருந்ததுடன், சிறுமியின் பாடசாலை ஆசிரியர்களும் இது தொடர்பில் பாட்டியிடம் கேட்டுள்ளனர்.

பொலிஸாருக்கு கிடைத்த முறைப்பாட்டின் பிரகாரம், சிறுமியை பொலிஸாருக்கு அழைத்து வந்த விசாரணைகளின் போது, ​​இந்த துஷ்பிரயோக சம்பவங்கள் தொடர்பான தகவல்கள் வெளியாகியுள்ளன.