மர்மமான முறையில் படுகொலை செய்யப்பட்ட பெண்! பொதுமக்களின் உதவியை நாடியுள்ள பொலிஸார்

பண்டாரவளையில் உள்ள ஹோட்டல் நேற்று (24) மாலை ஒன்றில் பெண் ஒருவர் படுகொலை செய்யப்பட்டுள்ளார்.

இது தொடர்பில் கிடைத்த தகவலின் அடிப்படையில் பண்டாரவளை பொலிஸ் நிலைய அதிகாரிகள் விசாரணைகளை ஆரம்பித்துள்ளனர்.

அட்டம்பிட்டிய பிரதேசத்தில் வசிக்கும் 40 வயதுடைய பெண் ஒருவரே இவ்வாறு உயிரிழந்துள்ளார்.

கொலையின் பின்னர், சந்தேக நபர் தப்பிச் சென்றதுடன், அவரது புகைப்படத்தை பொலிஸார் இன்று ஊடகங்களுக்கு வெளியிட்டுள்ளனர்.

சந்தேக நபர் தொடர்பில் ஏதேனும் தகவல் தெரிந்தால் பின்வரும் தொலைபேசி இலக்கங்களுக்கு தொடர்பு கொள்ளுமாறு பொலிஸார் பொதுமக்களை கேட்டுக்கொண்டுள்ளனர்.

தலைமையக பொலிஸ் பரிசோதகர் (பண்டாரவளை) – 0718 591523

குற்றப் புலனாய்வுப் பிரிவின் பொறுப்பதிகாரி – 0718 710108 – 0718594033

மேலும், பொலிஸாரின் விசாரணையின் போது கூரிய ஆயுதம் மற்றும் விஷம் கொடுத்து இந்த கொலை செய்யப்பட்டுள்ளதாக அவதானிக்கப்பட்டுள்ளது.

இந்நிலையில் இந்த சம்பவத்திற்கு தொடர்புடைய சந்தேகநபர் எழுதியதாக சந்தேகிக்கப்படும் கடிதமும் கண்டுபிடிக்கப்பட்டுள்ளது.