பில்கேட்ஸின் அலுவலகத்தில் நேர்காணலின் போது பெண்களிடம் ஆபாச கேள்விகள் கேட்கப்பட்டதாக குற்றச்சாட்டு!
தொழிலதிபரான பில்கேட்ஸின் அலுவலகத்தில், பெண் விண்ணப்பதாரர்களிடம் பாலியல் ரீதியான, ஆபசமான கேள்விகள் நேர்காணலின்போது கேட்கப்பட்டதாக குற்றம் சாட்டப்பட்டுள்ளது.
இது குறித்து தி வால் ஸ்ட்ரீட் ஜேர்னல் பத்திரிக்கை வெளியிட்டுள்ள அறிக்கையொன்றில், பில் கேட்ஸின் தனியார் அலுவலகம் ஒன்று, நேர்காணலின் போது பெண் வேட்பாளர்களிடம் வெளிப்படையான பாலியல் கேள்விகளைக் கேட்டதாகக் கூறியுள்ளது.
சில பெண் வேட்பாளர்கள் தங்களுடைய கடந்தகால பாலியல் அனுபவங்கள் பற்றிய விவரங்கள், தங்கள் தொலைபேசிகளில் நெருக்கமான புகைப்படங்கள் வைத்திருப்பது, ஆபாசத்தில் உள்ள விருப்பங்கள் மற்றும் அவர்களுக்கு பாலியல் ரீதியாக பரவும் நோய்கள் உள்ளதா போன்ற பொருத்தமற்ற கேள்விகள் கேட்கப்பட்டதாக குற்றம் சாட்டியுள்ளனர்.
அத்துடன் மற்றுமொருவர் கூறுகையில், கவர்ச்சியான நடனத்தில் ஈடுபடுவது அல்லது திருமணத்திற்குப் புறம்பான உறவுகள் குறித்து கேள்வி எழுப்பப்பட்டதாகக் குற்றம் சாட்டியுள்ளார்.
கூடுதலாக, சில வேட்பாளர்கள் “டாலர்களுக்காக நடனமாடுவது” போன்ற செயல்களில் ஈடுபடுவது குறித்து கேள்வி எழுப்பப்பட்டது என்ற பரவலான குற்றச்சாட்டை சுமத்தியுள்ளனர்.
இருப்பினும் இந்த குற்றச்சாட்டுக்களை அந்த நிறுவனம் மறுத்துள்ளமை குறிப்பிடத்தக்கது.
(Visited 5 times, 1 visits today)
