ஈரான் வெளிவிவகார அமைச்சரின் ரஷ்ய பயணம் குறித்து அமெரிக்கா கழுகுப்பார்வை!

மத்திய கிழக்கு பிராந்தியத்தில் நிலவும் பதற்றமான சூழலைத் தணிக்கும் நோக்கில், ஈரான் வெளிவிவகார அமைச்சர் Abbas Araghchi தற்போது ரஷ்யாவுக்கு பயணம் மேற்கொண்டுள்ளார்.

அவருக்கு அந்நாட்டு விமான நிலையத்தில் சிறப்பான வரவேற்பளிக்கப்பட்டுள்ளது.

ரஷ்ய பயணத்துக்கு முன்னதாக பாகிஸ்தான் மற்றும் ஓமான் ஆகிய நாடுகளுக்கு ஈரான் வெளிவிவகார அமைச்சர் சென்றிருந்தார் என்பது குறிப்பிடத்தக்கது.

ரஷ்ய வெளிவிவகார அமைச்சர் மற்றும் ஜனாதிபதி புடின் உள்ளிட்டோரை அவர் சந்தித்து பேச்சு நடத்தவுள்ளார்.

அதேவேளை, ஈரான் வெளிவிவகார அமைச்சரின் ரஷ்ய பயணம் தொடர்பில் அமெரிக்கா விசேட அவதானம் செலுத்தியுள்ளது.

ரஷ்யாவிலுள்ள அமெரிக்க ராஜதந்திரிகள் இது தொடர்பில் கூடுதல் கவனம் செலுத்தியுள்ளனர் என ராஜதந்திர வட்டாரங்களில் இருந்து அறியமுடிகின்றது.