இந்தியாவின் வெற்றி நடைக்கு முற்றுபுள்ளி வைக்குமா நியூசிலாந்து?

இந்தியா மற்றும் நியூசிலாந்து அணிகளுக்கிடையிலான 4 ஆவது T 20 போட்டி இன்று நடைபெறுகின்றது.

இந்திய நேரப்படி இரவு 7 மணிக்கு போட்டி ஆரம்பமாகும்.

இந்தியாவுக்கு சுற்றுப்பயணம் மேற்கொண்டுள்ள நியூசிலாந்து அணி 5 போட்டிகள் கொண்ட 20 ஓவர் தொடரில் விளையாடி வருகிறது.

இதில் முதல் மூன்று ஆட்டங்களிலும் தொடர்ச்சியாக வெற்றி பெற்ற இந்திய அணி தொடரை கைப்பற்றியது.

இந்த நிலையில் இன்று 4 ஆவது போட்டி ஆந்திர மாநிலம் விசாகப்பட்டினத்தில் இடம்பெறுகின்றது.

முதல் 3 ஆட்டங்களில் அதிரடி காட்டிய இந்திய அணி தனது ஆதிக்கத்தை தொடரும் ஆர்வத்தில் உள்ளது.

தொடரை இழந்து விட்ட நியூசிலாந்து அணி ஆறுதல் வெற்றிக்காக மல்லுக்கட்டும். எனவே இந்த ஆட்டத்தில் விறுவிறுப்புக்கு பஞ்சம் இருக்காது.